क्विक हील फाउंडेशनचे साहिल जाधव यांनी निलंगा येथे विविध सायबर गुन्ह्यांची उदाहरणे देत नागरिकांना डिजिटल व्यवहारात सावधगिरी आणि सायबर फसवणूक टाळण्याचे आवाहन केले.
निलंगा : भारतीय जनता पक्षाच्या माहिती तंत्रज्ञान विभाग, लातूर ग्रामीण यांच्या आयोजनातून सेवा संकल्प अभियानांतर्गत निलंगा येथील जनसेवा कार्यालयात सायबर सुरक्षा मार्गदर्शन शिबिराचे आयोजन करण्यात आले. यावेळी सायबर सुरक्षा, ओटीपी फसवणूक तसेच विविध प्रकारच्या सायबर गुन्ह्यांबाबत नागरिकांना मार्गदर्शन करण्यात आले.
या शिबिरात क्विक हील फाउंडेशनचे सायबर सुरक्षा तज्ज्ञ साहिल जाधव यांनी उपस्थितांना सायबर फसवणुकीपासून सुरक्षित राहण्याबाबत सविस्तर माहिती दिली. ओटीपी, संकेतशब्द अथवा वैयक्तिक माहिती कोणत्याही अनोळखी व्यक्तीसोबत शेअर करू नये, अनोळखी संकेतस्थळांच्या लिंकवर क्लिक करू नये, तसेच संशयास्पद दूरध्वनी, संदेश आणि ऑनलाइन व्यवहारांपासून सावध राहावे, असे आवाहन त्यांनी केले.
विविध प्रकारच्या सायबर गुन्ह्यांची उदाहरणे देत नागरिकांना डिजिटल सुरक्षिततेचे महत्त्व समजावून सांगण्यात आले. सायबर फसवणूक झाल्यास वेळ न दवडता संबंधित यंत्रणेशी संपर्क साधण्याचे आवाहनही करण्यात आले. सायबर फसवणुकीच्या तक्रारींसाठी राष्ट्रीय सायबर गुन्हे हेल्पलाइन क्रमांक १९३० उपलब्ध आहे.
या कार्यक्रमास अॅड. वीरभद्र स्वामी, रवीजी फुलारी, सुमितजी इनानी, दत्ताजी मोहोळकर, धर्मप्रकाश निंबाळकर, स्वरूप धुमाळ, विशाल गोरे, मनोज पवार, नयन माने, शरद सोमवंशी, सिद्धेश्वर बिराजदार आणि नागेश तरंगे यांच्यासह माहिती तंत्रज्ञान विभागाचे जिल्हा संयोजक ऋषिकेश जावळे तसेच भारतीय जनता पक्षाचे पदाधिकारी व कार्यकर्ते मोठ्या संख्येने उपस्थित होते.
भारतीय जनता पक्ष महाराष्ट्र, संभाजी पाटील निलंगेकर आणि अरविंद पाटील निलंगेकर यांच्या मार्गदर्शनाखाली आयोजित या उपक्रमातून नागरिकांमध्ये सायबर सुरक्षेबाबत जागरूकता निर्माण करण्याचा संदेश देण्यात आला.
डिजिटल व्यवहार वाढत असताना नागरिकांनी कोणतीही संवेदनशील माहिती शेअर करण्यापूर्वी खात्री करणे, संशयास्पद लिंकपासून दूर राहणे आणि ऑनलाइन व्यवहारात सावधगिरी बाळगणे आवश्यक असल्याचा संदेश या शिबिरातून देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
