लाईव्ह डेमोद्वारे सायबर गुन्ह्यांच्या पद्धती आणि त्यापासून बचावाचे उपाय विद्यार्थ्यांना समजावून सांगण्यात आले; लातूरमध्ये सायबर सुरक्षा जनजागृती कार्यक्रम.
डिजिटल तंत्रज्ञानाचा वाढता वापर आणि त्यासोबत वाढणाऱ्या सायबर गुन्ह्यांच्या पार्श्वभूमीवर विद्यार्थ्यांमध्ये सायबर सुरक्षेबाबत जनजागृती निर्माण करणे काळाची गरज बनली आहे. याच उद्देशाने क्विक हील फाउंडेशनतर्फे श्री कोचिंग क्लासेस येथे सायबर सुरक्षा जनजागृती कार्यक्रमाचे आयोजन करण्यात आले. यावेळी जाधव साहिल यांनी विद्यार्थ्यांना सायबर सुरक्षेबाबत मार्गदर्शन केले.
कार्यक्रमात विद्यार्थ्यांना ऑनलाइन फसवणूक, फिशिंग, बनावट लिंक, पासवर्ड सुरक्षा, सोशल मीडिया वापरताना घ्यावयाची काळजी तसेच डिजिटल माध्यमांचा सुरक्षित वापर याबाबत महत्त्वपूर्ण माहिती देण्यात आली. विद्यार्थ्यांसमोर विविध सायबर धोक्यांचे लाईव्ह डेमो व प्रात्यक्षिके सादर करण्यात आली.
प्रत्यक्ष प्रात्यक्षिक पाहून विद्यार्थ्यांमध्ये मोठी उत्सुकता निर्माण झाली. लाईव्ह डेमोच्या माध्यमातून सायबर गुन्हे कोणत्या पद्धतीने घडू शकतात आणि त्यापासून स्वतःचा बचाव करण्यासाठी कोणती खबरदारी घ्यावी, हे सोप्या पद्धतीने समजावून सांगण्यात आले.
या कार्यक्रमास श्री कोचिंग क्लासेसचे अध्यक्ष डॉ. तरंगे सर उपस्थित होते. त्यांनी जाधव साहिल यांच्या सायबर सुरक्षा जनजागृतीच्या कार्याचे कौतुक करत त्यांचा सत्कार केला. तसेच त्यांच्या पुढील कार्यासाठी शुभेच्छा दिल्या.
यानंतर डॉ. तरंगे सर आणि जाधव साहिल यांच्यात सायबर सुरक्षेच्या विविध मुद्द्यांवर सविस्तर चर्चा झाली. विद्यार्थ्यांसह समाजातील विविध घटकांमध्ये सायबर सुरक्षेबाबत जनजागृती वाढविण्यासाठी भविष्यात सायबर सुरक्षा कार्यशाळा, लाईव्ह डेमो आणि जनजागृतीपर कार्यक्रम आयोजित करण्याबाबत यावेळी चर्चा करण्यात आली.
आजच्या डिजिटल युगात विद्यार्थ्यांनी तंत्रज्ञानाचा वापर करताना सावधगिरी बाळगणे आणि ऑनलाइन फसवणुकीपासून स्वतःचे संरक्षण करणे आवश्यक असल्याचा संदेश या कार्यक्रमातून देण्यात आला.
विद्यार्थ्यांचा उत्स्फूर्त प्रतिसाद आणि डॉ. तरंगे सरांचे प्रोत्साहन यामुळे क्विक हील फाउंडेशनतर्फे आयोजित हा सायबर सुरक्षा जनजागृती कार्यक्रम उत्साहपूर्ण वातावरणात संपन्न झाला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
