सायबर वॉरियर्स अविष्कार कांबळे आणि आयुष जोशी यांनी उदगीरच्या राजर्षी शाहू विद्यालयातील विद्यार्थ्यांशी संवाद साधत डिजिटल सुरक्षा आणि सुरक्षित ऑनलाइन वर्तनाचे महत्त्व पटवून दिले.
वाढत्या सायबर गुन्ह्यांच्या पार्श्वभूमीवर राजर्षी शाहू विद्यालय, उदगीर येथे सायबर सुरक्षा जनजागृतीपर उपक्रम घेण्यात आला. यावेळी विद्यार्थ्यांना ऑनलाइन फसवणूक, ओटीपी फसवणूक, फिशिंग लिंक, बनावट फोन कॉल, सोशल मीडिया फसवणूक तसेच सुरक्षित डिजिटल व्यवहाराबाबत मार्गदर्शन करण्यात आले.
विद्यार्थ्यांनी अनोळखी किंवा संशयास्पद लिंकवर क्लिक करू नये, तसेच ओटीपी, पासवर्ड, बँक खात्याची माहिती आणि वैयक्तिक माहिती कोणालाही देऊ नये, असे आवाहन करण्यात आले. संशयास्पद संदेश आणि अनोळखी फोन कॉलपासून सावध राहण्याबाबतही विद्यार्थ्यांना माहिती देण्यात आली.
क्विक हील फाउंडेशन, महाराष्ट्र सायबर आणि राजर्षी शाहू महाविद्यालय, लातूर यांच्या संयुक्त विद्यमाने राबविण्यात येणाऱ्या सायबर जनजागृती उपक्रमांतर्गत हा कार्यक्रम घेण्यात आला. यावेळी सायबर वॉरियर्स अविष्कार कांबळे आणि आयुष जोशी यांनी विद्यार्थ्यांशी संवाद साधत सायबर सुरक्षेचे महत्त्व पटवून दिले.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश विद्यार्थ्यांना देण्यात आला. डिजिटल माध्यमांचा वापर करताना सजग राहून सुरक्षित डिजिटल सवयी अंगीकारण्याचे आवाहनही यावेळी करण्यात आले.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
