डिजिटल व्यवहार करताना सावधगिरी, OTP व वैयक्तिक माहितीची सुरक्षितता आणि अनोळखी लिंकपासून बचावाबाबत नागरिकांना सायबर सुरक्षा संदेश देण्यात आला.
लातूर : गणेश मंडळाच्या ठिकाणी आमदार बसवराज पाटील यांची भेट घेऊन क्विक हील फाउंडेशनच्या वतीने सायबर सुरक्षा विषयावर जनजागृती करण्यात आली. यावेळी साहिल जाधव आणि आदित्य माने यांनी उपस्थितांना सायबर गुन्हे, ऑनलाइन फसवणूक, OTP फसवणूक, अनोळखी लिंक तसेच सोशल मीडियाचा सुरक्षित वापर याबाबत मार्गदर्शन केले.
यावेळी नगरसेविका राजश्री बाहेती यांचीही उपस्थिती होती. सायबर सुरक्षेबाबत युवकांकडून करण्यात येत असलेल्या जनजागृतीच्या कार्याचे आमदार बसवराज पाटील आणि नगरसेविका राजश्री बाहेती यांनी कौतुक केल्याचे यावेळी सांगण्यात आले.
क्विक हील फाउंडेशनच्या माध्यमातून साहिल जाधव आणि आदित्य माने विविध ठिकाणी सायबर सुरक्षेबाबत जनजागृती करत असल्याचे नमूद करत, हे कार्य पुढेही सुरू ठेवण्यासाठी त्यांनी दोघांना शुभेच्छा दिल्या.
यावेळी नागरिकांनी वाढत्या सायबर गुन्ह्यांपासून सावध राहावे, OTP, पासवर्ड आणि वैयक्तिक माहिती अनोळखी व्यक्तींना देऊ नये, तसेच डिजिटल व्यवहार करताना आवश्यक ती खबरदारी घ्यावी, असा संदेश देण्यात आला.
डिजिटल माध्यमांचा वापर वाढत असताना सायबर सुरक्षेबाबत नागरिकांमध्ये जागरूकता निर्माण करण्यासाठी अशा जनजागृती उपक्रमांचे महत्त्व अधोरेखित करण्यात आले.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
