श्रीराम विद्यालयात सायबर सुरक्षेचा जागर; २५० हून अधिक विद्यार्थ्यांनी घेतले धडे
‘डिजिटल जगात प्रत्येक क्लिक जबाबदारीने’चा संदेश; सोशल मीडिया, ऑनलाइन फसवणूक आणि वैयक्तिक माहितीच्या सुरक्षेबाबत मार्गदर्शन
सरोळा : डिजिटल माध्यमांचा वाढता वापर लक्षात घेता श्रीराम विद्यालय, सरोळा येथे २५० हून अधिक विद्यार्थ्यांसाठी सायबर सुरक्षा जनजागृती सत्राचे आयोजन करण्यात आले. यावेळी सायबर वॉरियर योगिता जाधव आणि सायबर वॉरियर प्राजक्ता बोरूळे यांनी विद्यार्थ्यांशी संवाद साधत सायबर सुरक्षेबाबत महत्त्वपूर्ण मार्गदर्शन केले.
सत्रादरम्यान विद्यार्थ्यांना सोशल मीडिया वापरताना घ्यावयाची काळजी, अनोळखी व्यक्तींकडून येणारे संदेश व लिंक, वैयक्तिक माहितीची गोपनीयता, ऑनलाइन फसवणुकीचे विविध प्रकार तसेच सायबर गुन्ह्यांपासून बचाव करण्यासाठी आवश्यक उपाययोजना याबाबत माहिती देण्यात आली.
डिजिटल माध्यमांचा वापर करताना कोणत्याही अनोळखी लिंकवर क्लिक करण्यापूर्वी सावधगिरी बाळगणे, वैयक्तिक माहितीची गोपनीयता जपणे आणि संशयास्पद संदेशांपासून दूर राहणे याचे महत्त्व विद्यार्थ्यांना समजावून सांगण्यात आले.
यावेळी ‘डिजिटल जगात प्रत्येक क्लिक जबाबदारीने’ हा संदेश देत विद्यार्थ्यांना सुरक्षित इंटरनेट वापराबाबत जागरूक करण्यात आले. विद्यार्थ्यांनी उत्स्फूर्त सहभाग नोंदवत विविध प्रश्न विचारले आणि सत्राला चांगला प्रतिसाद दिला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
