क्विक हील फाउंडेशनच्या सायबर सुरक्षा उपक्रमाला अधिक प्रभावी स्वरूप देण्यासाठी अरविंद सरांनी टीमला मार्गदर्शन केले; पुढील वाटचालीसाठी टीमला प्रेरणा मिळाली.
क्विक हील फाउंडेशनच्या लातूर आरएसएमएल क्लबचे क्षेत्रीय निरीक्षक अरविंद सर यांच्यासोबत क्विक हील फाउंडेशनच्या टीमने सायबर सुरक्षा जनजागृती उपक्रमाबाबत सविस्तर संवाद साधला.
यावेळी अरविंद सर यांनी टीमच्या आतापर्यंतच्या कार्याचे कौतुक करत, “तुम्ही खूप चांगले काम करत आहात; या उपक्रमाला आणखी नाविन्यपूर्ण स्वरूप देऊन अधिक प्रभावीपणे समाजापर्यंत पोहोचवू शकता,” अशा शब्दांत मार्गदर्शन केले. त्यांच्या सकारात्मक अभिप्रायामुळे टीमला पुढील उपक्रमांसाठी प्रेरणा मिळाली.
सायबर सुरक्षा जनजागृतीचे कार्य यापुढेही अधिक उत्साहाने आणि नाविन्यपूर्ण पद्धतीने सुरू ठेवण्याचा निर्धार टीमने व्यक्त केला. अरविंद सर यांनी संपूर्ण टीमला पुढील वाटचालीसाठी शुभेच्छा दिल्या.
या संवादावेळी प्राजक्ता, योगिता, साहिल जाधव, नम्रता तोर, परमेश्वर पांढरे आणि नेहल बुलानी उपस्थित होते. क्विक हील फाउंडेशनच्या माध्यमातून सुरू असलेल्या सायबर सुरक्षा जनजागृती उपक्रमाच्या पुढील वाटचालीसाठी हा संवाद टीमसाठी प्रेरणादायी ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
