२०० हून अधिक विद्यार्थ्यांनी सायबर सुरक्षा जनजागृती सत्राला उत्स्फूर्त प्रतिसाद दिला. विद्यार्थ्यांनी विविध प्रश्न विचारत डिजिटल सुरक्षेबाबत सक्रिय सहभाग नोंदवला.
वाढत्या सायबर गुन्ह्यांच्या पार्श्वभूमीवर आजीम महाविद्यालयात विद्यार्थ्यांमध्ये सायबर सुरक्षा आणि डिजिटल सुरक्षिततेबाबत जागरूकता निर्माण करण्यासाठी विशेष सायबर सुरक्षा जनजागृती सत्राचे आयोजन करण्यात आले. या सत्रात २०० हून अधिक विद्यार्थ्यांना सायबर सुरक्षेबाबत मार्गदर्शन करण्यात आले.
यावेळी सायबर वॉरियर योगिता जाधव आणि सायबर वॉरियर प्राजक्ता बोरूळे यांनी विद्यार्थ्यांशी संवाद साधत ऑनलाइन फसवणूक, संशयास्पद लिंक, अनोळखी फोन कॉल व संदेश, सोशल मीडिया वापरताना घ्यावयाची काळजी, वैयक्तिक माहितीची सुरक्षितता तसेच डिजिटल व्यवहार करताना आवश्यक असलेली खबरदारी याबाबत सविस्तर माहिती दिली.
विद्यार्थ्यांनी डिजिटल माध्यमांचा वापर करताना कोणती काळजी घ्यावी, संशयास्पद ऑनलाइन संपर्क कसा ओळखावा आणि सायबर फसवणुकीपासून स्वतःचे संरक्षण कसे करावे, याबाबतही मार्गदर्शन करण्यात आले. तसेच ओटीपी, पासवर्ड आणि वैयक्तिक माहिती अनोळखी व्यक्तींशी शेअर करू नये, असे आवाहन करण्यात आले.
यावेळी महाविद्यालयाचे डॉ. सरफराज सर उपस्थित होते. विद्यार्थ्यांनी सत्राला उत्स्फूर्त प्रतिसाद देत सायबर सुरक्षेशी संबंधित विविध प्रश्न विचारून सक्रिय सहभाग नोंदवला.
डिजिटल माध्यमांचा सुरक्षित, सजग आणि जबाबदारीने वापर करण्याचा संदेश या सत्राच्या माध्यमातून विद्यार्थ्यांपर्यंत पोहोचविण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
