१३०० हून अधिक विद्यार्थ्यांनी सायबर सुरक्षा जनजागृती कार्यक्रमात उत्स्फूर्त सहभाग घेतला. ओटीपी, पासवर्ड, सोशल मीडिया आणि सुरक्षित डिजिटल वापराबाबत विद्यार्थ्यांना मार्गदर्शन करण्यात आले.
वाढत्या सायबर गुन्ह्यांच्या पार्श्वभूमीवर विद्यार्थ्यांमध्ये सायबर सुरक्षा आणि डिजिटल सुरक्षिततेबाबत जागरूकता निर्माण करण्यासाठी औसा येथील एका शाळेत भव्य सायबर सुरक्षा जनजागृती कार्यक्रमाचे आयोजन करण्यात आले. या उपक्रमात १३०० हून अधिक विद्यार्थ्यांना सायबर सुरक्षेबाबत मार्गदर्शन करण्यात आले.
यावेळी सायबर वॉरियर योगिता जाधव आणि सायबर वॉरियर प्राजक्ता बोरूळे यांनी विद्यार्थ्यांशी संवाद साधत ऑनलाइन फसवणूक, संशयास्पद लिंक, अनोळखी फोन कॉल व संदेश, सोशल मीडिया वापर, वैयक्तिक माहितीची सुरक्षितता तसेच डिजिटल व्यवहार करताना घ्यावयाच्या खबरदारीबाबत सविस्तर मार्गदर्शन केले.
डिजिटल माध्यमांचा वापर करताना कोणती काळजी घ्यावी, सायबर फसवणुकीचे विविध प्रकार कसे ओळखावेत आणि अनोळखी व्यक्तींकडून येणाऱ्या ऑनलाइन संपर्कापासून स्वतःचे संरक्षण कसे करावे, याबाबत विद्यार्थ्यांना विविध उदाहरणांच्या माध्यमातून माहिती देण्यात आली.
तसेच ओटीपी, पासवर्ड किंवा वैयक्तिक माहिती कोणत्याही अनोळखी व्यक्तीसोबत शेअर करू नये, संशयास्पद लिंकवर क्लिक करण्यापूर्वी तिची सत्यता तपासावी आणि सोशल मीडिया वापरताना गोपनीयतेची काळजी घ्यावी, असे आवाहन करण्यात आले.
विद्यार्थ्यांनी उत्स्फूर्त सहभाग नोंदवत सायबर सुरक्षेशी संबंधित विविध प्रश्न विचारले. त्यांच्या प्रश्नांना उत्तरे देत डिजिटल जगातील संभाव्य धोके आणि त्यापासून सुरक्षित राहण्याच्या उपाययोजनांबाबत मार्गदर्शन करण्यात आले.
या भव्य जनजागृती कार्यक्रमासाठी शाळेतील सर्व कर्मचारी उपस्थित होते. विद्यार्थ्यांमध्ये सायबर सुरक्षेबाबत जागरूकता निर्माण करण्याच्या उद्देशाने घेण्यात आलेल्या या उपक्रमाला विद्यार्थ्यांचा उत्स्फूर्त प्रतिसाद मिळाला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
