क्विक हील फाउंडेशनच्या उपक्रमातून अकोला येथील फार्मसी विद्यार्थ्यांमध्ये डिजिटल सुरक्षा आणि सुरक्षित ऑनलाइन वापराबाबत जागरूकता निर्माण करण्यात आली.
डिजिटल युगात विद्यार्थ्यांमध्ये सुरक्षित आणि जबाबदार इंटरनेट वापराबाबत जागरूकता निर्माण करण्याच्या उद्देशाने महाराष्ट्र फार्मसी कॉलेजमध्ये क्विक हील फाउंडेशनच्या वतीने डिजिटल सेफ्टी जनजागृती उपक्रम आयोजित करण्यात आला.
या उपक्रमांतर्गत विद्यार्थ्यांना ‘Think Before You Click’ या विषयावरील डिजिटल सेफ्टी कॉमिक्सचे वाटप करण्यात आले. या कॉमिक्सच्या माध्यमातून विद्यार्थ्यांना डिजिटल जगातील विविध धोके, ऑनलाइन फसवणुकीच्या पद्धती, संशयास्पद लिंकवर क्लिक करण्यापूर्वी घ्यावयाची खबरदारी तसेच इंटरनेटचा सुरक्षित आणि जबाबदारीने वापर याबाबत माहिती देण्यात आली.
विद्यार्थ्यांना सहज समजेल अशा स्टोरीलाइन आणि प्रसंगांच्या माध्यमातून डिजिटल सुरक्षेचे महत्त्व प्रभावीपणे मांडण्यात आले. ऑनलाइन व्यवहार किंवा इंटरनेटचा वापर करताना कोणतीही लिंक उघडण्यापूर्वी तिची सत्यता तपासणे आणि संशयास्पद ऑनलाइन सामग्रीपासून सावध राहणे आवश्यक असल्याचा संदेश या उपक्रमातून देण्यात आला.
या उपक्रमात परमेश्वर पांडुरंग यांच्या माध्यमातून कॉमिक्सचे प्रकाशन करण्यात आले. विद्यार्थ्यांनी या उपक्रमाला उत्स्फूर्त प्रतिसाद देत डिजिटल सेफ्टीशी संबंधित विविध माहिती जाणून घेतली.
क्विक हील फाउंडेशनच्या माध्यमातून राबविण्यात आलेला हा उपक्रम विद्यार्थ्यांमध्ये सायबर सुरक्षा, डिजिटल जागरूकता आणि जबाबदार इंटरनेट वापराबाबत जागरूकता निर्माण करणारा ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
