क्विक हील फाउंडेशनच्या सायबर जनजागृती उपक्रमातून आयमला येथील विद्यार्थ्यांना वैयक्तिक माहिती सुरक्षित ठेवणे आणि डिजिटल तंत्रज्ञानाचा जबाबदारीने वापर करण्याचे धडे.
डिजिटल तंत्रज्ञानाचा वाढता वापर लक्षात घेता विद्यार्थ्यांमध्ये लहान वयापासूनच सायबर सुरक्षेबाबत जागरूकता निर्माण व्हावी, या उद्देशाने साबरमती ग्लोबल स्कूल, आयमला येथे क्विक हील फाउंडेशनच्या वतीने विशेष सायबर सुरक्षा जनजागृती कार्यक्रम आयोजित करण्यात आला.
या कार्यक्रमात परमेश्वर पांढरे यांनी विद्यार्थ्यांना लाईव्ह हॅकिंगचे प्रात्यक्षिक दाखवत डिजिटल जगातील विविध सायबर धोक्यांची माहिती दिली. प्रत्यक्ष प्रात्यक्षिकाच्या माध्यमातून सायबर हल्ले कोणत्या पद्धतीने होऊ शकतात आणि डिजिटल साधनांचा वापर करताना कोणती खबरदारी घ्यावी, हे विद्यार्थ्यांना समजावून सांगण्यात आले.
यावेळी मोबाईल, इंटरनेट आणि सोशल मीडियाचा सुरक्षित वापर, संशयास्पद लिंकपासून सावध राहणे, ओटीपी कोणालाही न सांगणे, बनावट संदेश ओळखणे, मजबूत पासवर्डचा वापर करणे तसेच अनोळखी व्यक्तींकडून होणाऱ्या ऑनलाइन संपर्काबाबत सतर्क राहणे याबाबत विद्यार्थ्यांना मार्गदर्शन करण्यात आले.
सायबर सुरक्षेच्या दृष्टीने वैयक्तिक माहिती सुरक्षित ठेवणे, डिजिटल तंत्रज्ञानाचा जबाबदारीने वापर करणे आणि ऑनलाइन व्यवहार करताना आवश्यक काळजी घेणे यांचे महत्त्व विद्यार्थ्यांना पटवून देण्यात आले.
“डिजिटल वापर जितका वाढतो, तितकीच डिजिटल सुरक्षिततेची जबाबदारीही वाढते,” असा महत्त्वपूर्ण संदेश या कार्यक्रमातून विद्यार्थ्यांना देण्यात आला.
क्विक हील फाउंडेशनच्या या उपक्रमामुळे विद्यार्थ्यांमध्ये सायबर सुरक्षेबाबत जागरूकता निर्माण होऊन सुरक्षित आणि जबाबदार डिजिटल वापरासाठी आवश्यक माहिती मिळाली.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
