राजर्षी शाहू महाविद्यालयाचे प्राचार्य डॉ. महादेव गवाणे यांच्या उपस्थितीत झालेल्या इंडोर मास ॲक्टिव्हिटीमध्ये विद्यार्थ्यांना डिजिटल सुरक्षिततेचे महत्त्व मनोरंजनातून समजावून सांगण्यात आले.
क्विक हील फाउंडेशनच्या वतीने आयोजित करण्यात आलेल्या ‘इंडोर मास ॲक्टिव्हिटी’ मध्ये प्राजक्ता आणि योगिता यांनी उत्साहपूर्ण सूत्रसंचालन करत संपूर्ण कार्यक्रमाला रंगत आणली. त्यांच्या उत्साही सूत्रसंचालनामुळे उपस्थित विद्यार्थी, शिक्षक आणि स्टाफ सदस्य मोठ्या उत्साहाने कार्यक्रमात सहभागी झाले.
कार्यक्रमादरम्यान प्राजक्ता आणि योगिता यांनी मनोरंजनासोबतच सायबर सुरक्षा आणि डिजिटल सुरक्षिततेचे महत्त्व विद्यार्थ्यांना समजावून सांगितले. नाट्याच्या माध्यमातून विविध सायबर धोक्यांबाबत जनजागृती करत विद्यार्थ्यांना ऑनलाइन फसवणूक, संशयास्पद लिंक, सोशल मीडिया गैरवापर आणि विविध डिजिटल धोक्यांपासून सावध राहण्याचा संदेश देण्यात आला.
या उपक्रमात साहिल जाधव, परमेश्वर पांढरे, नेहल बुलानी आणि नम्रता तोर यांनी प्राजक्ता व योगिता यांना सहकार्य केले. टीमच्या एकत्रित सहभागामुळे कार्यक्रम अधिक उत्साहपूर्ण आणि प्रभावी झाला.
यावेळी राजर्षी शाहू महाविद्यालयाचे प्राचार्य डॉ. महादेव गवाणे तसेच महाविद्यालयातील शिक्षक, स्टाफ सदस्य आणि विद्यार्थी उपस्थित होते. प्राजक्ता व योगिता यांच्या उत्साही सूत्रसंचालनाचे तसेच क्विक हील फाउंडेशनच्या सायबर सुरक्षा जनजागृती उपक्रमाचे उपस्थितांनी कौतुक केले.
सायबर सुरक्षेचा संदेश मनोरंजन, संवाद आणि नाट्याच्या माध्यमातून विद्यार्थ्यांपर्यंत पोहोचविण्याचा हा उपक्रम डिजिटल सुरक्षिततेबाबत जागरूकता निर्माण करण्याच्या दृष्टीने महत्त्वपूर्ण ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
