“माझा डेटा, माझी जबाबदारी” या संदेशातून डाकघर कर्मचाऱ्यांना अनोळखी कॉल व संदेशांपासून सावध राहण्याचे आणि सुरक्षित डिजिटल व्यवहार करण्याचे आवाहन करण्यात आले.
लातूर : क्विक हील फाउंडेशन, महाराष्ट्र सायबर आणि राजर्षी शाहू महाविद्यालय, लातूर यांच्या संयुक्त विद्यमाने राबविण्यात येणाऱ्या सायबर जनजागृती उपक्रमांतर्गत डाकघरातील कर्मचाऱ्यांसाठी सायबर सुरक्षा जनजागृतीपर उपक्रम घेण्यात आला.
यावेळी कर्मचाऱ्यांना ऑनलाइन फसवणूक, ओटीपी फ्रॉड, फिशिंग लिंक, बनावट फोन कॉल, सोशल मीडिया फसवणूक तसेच डिजिटल व्यवहारातील सुरक्षिततेबाबत मार्गदर्शन करण्यात आले. डिजिटल व्यवहार करताना संभाव्य सायबर धोके ओळखून योग्य ती खबरदारी घेण्याचे आवाहन करण्यात आले.
सायबर फसवणूक टाळण्यासाठी ओटीपी, पासवर्ड, बँक खात्याची माहिती आणि वैयक्तिक माहिती कोणालाही देऊ नये. संशयास्पद लिंकवर क्लिक करू नये तसेच अनोळखी फोन कॉल आणि संदेशांपासून सावध राहावे, असे मार्गदर्शन करण्यात आले.
या उपक्रमात सायबर वॉरियर्स अविष्कार कांबळे आणि श्रेयस माकणे यांनी कर्मचाऱ्यांशी संवाद साधत सायबर सुरक्षेचे महत्त्व पटवून दिले. कर्मचाऱ्यांच्या प्रश्नांना उत्तरे देत डिजिटल व्यवहार अधिक सुरक्षितपणे करण्यासाठी आवश्यक खबरदारीही समजावून सांगण्यात आली.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश यावेळी देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
