नाना पाटेकर यांचे विचार आत्मसात करून समाजासाठी कार्य करणे, हीच त्यांच्या कार्याला खरी आदरांजली ठरेल, अशी भावना आमदार राजू मामा भोळे यांनी व्यक्त केली.
ज्येष्ठ अभिनेते नाना पाटेकर यांना भावपूर्ण श्रद्धांजली अर्पण करताना आमदार राजू मामा भोळे यांनी त्यांच्या कलाक्षेत्रातील योगदानासह सामाजिक कार्याच्या आठवणींना उजाळा दिला. ‘नाम फाउंडेशन’च्या माध्यमातून शेतकरी आणि दुष्काळग्रस्त गावांसाठी त्यांनी केलेले कार्य प्रेरणादायी असल्याचे भोळे यांनी नमूद केले.
“शेवटी आलेला माणूस जाणार नक्कीच; मात्र त्यांच्या आठवणी आणि त्यांनी केलेले कार्य आम्हाला सदैव प्रेरणा देत राहील,” असे आमदार राजू मामा भोळे म्हणाले.
शेतकऱ्यांच्या समस्या सोडविण्यासाठी तसेच पाणीटंचाईचा सामना करणाऱ्या गावांना मदत करण्यासाठी नाना पाटेकर यांनी दिलेल्या योगदानाचा उल्लेख करत भोळे यांनी त्यांना ‘पाणीदार कलाकार’ असे संबोधले. सामाजिक बांधिलकी जपत त्यांनी अनेक गावांमध्ये जलसंधारणाच्या कामांना हातभार लावल्याचेही त्यांनी सांगितले.
“नाना पाटेकर यांनी दिलेले विचार आत्मसात करून समाजासाठी कार्यरत राहणे, हीच त्यांना खरी भावपूर्ण श्रद्धांजली ठरेल,” अशी भावना आमदार राजू मामा भोळे यांनी व्यक्त केली.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989, ईमेल – sthaniksamacharbharat@gmail.com
