मनोज आप्पा मिटकरी यांच्या हस्ते आयोजित सायबर सुरक्षा जनजागृती कार्यक्रमात नागरिकांशी संवाद; साहिल जाधव यांच्यासह सायबर सुरक्षा कार्यकर्त्यांचा सहभाग.
राजा गणपती मंडळ येथे श्री मनोज आप्पा मिटकरी यांच्या हस्ते साहिल जाधव यांच्या माध्यमातून नागरिकांसाठी सायबर सुरक्षा जनजागृती कार्यक्रमाचे आयोजन करण्यात आले. संध्याकाळच्या वेळी आयोजित या कार्यक्रमाला परिसरातील नागरिकांनी मोठ्या संख्येने उपस्थिती लावत उत्स्फूर्त प्रतिसाद दिला.
यावेळी साहिल जाधव यांनी नागरिकांना सायबर गुन्हे, ऑनलाइन फसवणूक, बनावट लिंक, ओटीपी फसवणूक तसेच सोशल मीडियाचा सुरक्षित वापर याबाबत मार्गदर्शन केले. लाईव्ह हॅकिंग डेमोच्या माध्यमातून सायबर धोके कशा पद्धतीने घडू शकतात आणि त्यापासून स्वतःचे संरक्षण कसे करावे, याचे प्रात्यक्षिक देण्यात आले.
कार्यक्रमादरम्यान नागरिकांनी सायबर सुरक्षेशी संबंधित विविध प्रश्न उपस्थित केले. त्यावर साहिल जाधव यांनी संवाद साधत उपस्थितांच्या शंकांचे निरसन केले. प्रत्येक नागरिकाने सायबर सुरक्षेबाबत जागरूक राहण्यासोबतच आपल्या कुटुंबीयांनाही डिजिटल सुरक्षेचे महत्त्व समजावून सांगावे, असे आवाहन त्यांनी केले.
या कार्यक्रमाला राजा गणपती मंडळाचे अध्यक्ष, उपाध्यक्ष तसेच मंडळाची संपूर्ण टीम उपस्थित होती. मंडळाच्या पदाधिकाऱ्यांनी कार्यक्रमासाठी सहकार्य केले. मंडळाच्या अध्यक्षांनी साहिल जाधव यांच्या सायबर सुरक्षा जनजागृती उपक्रमाचे कौतुक करून त्यांच्या पुढील जनजागृती कार्यासाठी शुभेच्छा दिल्या.
या सायबर सुरक्षा जनजागृती उपक्रमात साहिल जाधव, परमेश्वर पांढरे, नेहल बुलानी, नम्रता तोर, श्रेयस माकणे, आदित्य माने आणि आविष्कार कामे यांनी सहभाग घेतला.
डिजिटल व्यवहारांचा वाढता वापर लक्षात घेता नागरिकांमध्ये सायबर सुरक्षेबाबत सातत्याने जनजागृती करणे आणि सुरक्षित डिजिटल व्यवहारांच्या सवयी निर्माण करणे आवश्यक असल्याचा संदेश या उपक्रमातून देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
