पोस्ट ऑफिस, लातूर येथे सायबर सुरक्षेचा जागर
ऑनलाइन फसवणुकीपासून बचावासाठी कर्मचारी व नागरिकांना मार्गदर्शन
लातूर : वाढत्या ऑनलाइन फसवणुकीच्या पार्श्वभूमीवर पोस्ट ऑफिस, लातूर येथे सायबर सुरक्षा जनजागृतीपर उपक्रम घेण्यात आला. यावेळी पोस्ट ऑफिसमधील कर्मचारी तसेच उपस्थित नागरिकांना ऑनलाइन फसवणुकीचे विविध प्रकार, डिजिटल व्यवहारातील सुरक्षितता आणि सायबर गुन्ह्यांपासून बचाव करण्याच्या उपाययोजनांबाबत मार्गदर्शन करण्यात आले.
सायबर वॉरियर्सनी ओटीपी, पासवर्ड, बँक खात्याची माहिती तसेच वैयक्तिक माहिती कोणालाही देऊ नये, अनोळखी लिंकवर क्लिक करू नये, तसेच संशयास्पद फोन, संदेश आणि ऑनलाइन ऑफर्सपासून सावध राहावे, असे आवाहन केले.
या जनजागृती उपक्रमात सायबर वॉरियर्स अविष्कार कांबळे आणि श्रेयश माकणे यांनी सहभाग घेत कर्मचारी व नागरिकांशी संवाद साधला. डिजिटल व्यवहार करताना सतर्कता, माहितीची गोपनीयता आणि सुरक्षित ऑनलाइन सवयी यांचे महत्त्व यावेळी अधोरेखित करण्यात आले.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश या उपक्रमातून देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
