जिजामाता कन्या प्रशालेत सायबर सजगतेचा जागर; २०० हून अधिक विद्यार्थिनींना मार्गदर्शन
सोशल मीडिया, संशयास्पद लिंक, ऑनलाइन फसवणूक आणि वैयक्तिक माहितीच्या सुरक्षेबाबत जनजागृती
लातूर : जिजामाता कन्या प्रशालेत २०० हून अधिक विद्यार्थिनींसाठी सायबर सुरक्षा जनजागृती सत्राचे आयोजन करण्यात आले. यावेळी सायबर वॉरियर योगिता जाधव आणि सायबर वॉरियर प्राजक्ता बोरूळे यांनी विद्यार्थिनींना सायबर सुरक्षेबाबत मार्गदर्शन केले.
सत्रादरम्यान सोशल मीडिया वापरताना घ्यावयाची काळजी, अनोळखी लिंक व संदेशांपासून सावध राहणे, वैयक्तिक माहितीची सुरक्षितता, ऑनलाइन फसवणुकीचे प्रकार तसेच सायबर गुन्ह्यांपासून स्वतःचे संरक्षण याबाबत विद्यार्थिनींना महत्त्वपूर्ण माहिती देण्यात आली.
डिजिटल माध्यमांचा वाढता वापर लक्षात घेता, विद्यार्थिनींमध्ये सायबर सुरक्षिततेबाबत जागरूकता निर्माण करणे हा या मार्गदर्शन सत्राचा प्रमुख उद्देश होता. ऑनलाइन व्यवहार किंवा सोशल मीडिया वापरताना निष्काळजीपणा टाळणे आणि संशयास्पद संदेश अथवा लिंकबाबत सतर्क राहणे याचे महत्त्वही यावेळी स्पष्ट करण्यात आले.
या सत्राला विद्यार्थिनींनी उत्स्फूर्त प्रतिसाद दिला. विद्यार्थिनींनी सायबर सुरक्षेशी संबंधित विविध प्रश्न विचारून त्याबाबत सविस्तर माहिती जाणून घेतली. या संवादातून डिजिटल जगात सुरक्षित आणि जबाबदार वर्तन करण्याबाबत विद्यार्थिनींमध्ये जागरूकता निर्माण झाली.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
