अष्टविनायक मंदिरातील सायबर जनजागृतीत ऑनलाइन फसवणूक, अनोळखी कॉल, बनावट लिंक आणि वैयक्तिक माहितीच्या सुरक्षेबाबत महत्त्वपूर्ण संदेश.
लातूर : अष्टविनायक मंदिर येथे अष्टमी-एकादशीच्या पावन पर्वानिमित्त उत्साहपूर्ण वातावरणात सायबर सुरक्षा जनजागृती कार्यक्रमाचे आयोजन करण्यात आले. पारंपरिक वेशभूषेत मोठ्या संख्येने उपस्थित असलेल्या भाविकांमध्ये उत्सवाचा आनंद कायम ठेवत सायबर सुरक्षेचे महत्त्व आणि डिजिटल फसवणुकीपासून सुरक्षित राहण्याच्या उपाययोजनांबाबत मार्गदर्शन करण्यात आले.
यावेळी OTP फसवणूक, बनावट लिंक, ऑनलाइन आर्थिक फसवणूक, सोशल मीडिया सुरक्षितता, अनोळखी कॉल व संदेशांपासून सावधगिरी तसेच वैयक्तिक माहिती सुरक्षित ठेवण्याबाबत उपस्थितांना माहिती देण्यात आली. डिजिटल व्यवहार करताना कोणतीही घाई न करता माहितीची खात्री करण्याचे आवाहनही करण्यात आले.
उत्सवाच्या पारंपरिक आणि आनंदी वातावरणात सायबर सुरक्षेचा संदेश देत नागरिकांनी डिजिटल जगात अधिक सतर्क राहावे, असे आवाहन करण्यात आले. धार्मिक आणि सामाजिक उपक्रमांच्या माध्यमातून सायबर सुरक्षेचा संदेश अधिकाधिक नागरिकांपर्यंत पोहोचविण्याचा प्रयत्न यावेळी करण्यात आला.
हा उपक्रम Quick Heal Foundation यांच्या वतीने जाधव साहील, परमेश्वर पांड्रे, नेहल बुलानी आणि नम्रता तौर यांच्या सहभागातून राबविण्यात आला.
या उपक्रमातून “उत्सव साजरा करा, पण डिजिटल जगातही सतर्क राहा!” असा महत्त्वपूर्ण संदेश भाविकांपर्यंत पोहोचविण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
