शाळा-महाविद्यालयांपुरती मर्यादा न ठेवता विविध कम्युनिटीपर्यंत सायबर सुरक्षा जनजागृती पोहोचवण्याच्या उद्देशाने लातूर अग्निशामक दलात उपक्रम राबविण्यात आला.
वाढत्या सायबर धोक्यांच्या पार्श्वभूमीवर क्विक हील फाउंडेशनच्या वतीने अग्निशामक दलाच्या (फायर ब्रिगेड) कम्युनिटीमध्ये सायबर सुरक्षा जनजागृती कार्यक्रम घेण्यात आला. सायबर सुरक्षा जनजागृती केवळ शाळा व महाविद्यालयीन विद्यार्थ्यांपुरती मर्यादित न ठेवता समाजातील विविध घटकांपर्यंत पोहोचवण्याच्या उद्देशाने हा उपक्रम राबविण्यात आला.
यावेळी तुषार वाघमारे आणि आदित्य माने यांनी लाईव्ह हॅकिंग डेमोच्या माध्यमातून सायबर हल्ले कोणत्या प्रकारे होऊ शकतात आणि अशा धोक्यांपासून स्वतःचे संरक्षण कसे करावे, याबाबत मार्गदर्शन केले. डिजिटल जगाचा वापर करताना कोणती खबरदारी घ्यावी, संशयास्पद ऑनलाइन व्यवहारांपासून कसे दूर राहावे आणि वैयक्तिक माहिती सुरक्षित कशी ठेवावी, याबाबतही माहिती देण्यात आली.
तसेच डीपफेकिंग आणि व्हॉइस क्लोनिंग यांसारख्या आधुनिक सायबर धोक्यांची माहिती देत त्यांच्या संभाव्य गैरवापराबाबत उपस्थितांना सतर्क करण्यात आले. डिजिटल माध्यमांचा वापर करताना सुरक्षित, जबाबदार आणि जागरूक राहण्याचे आवाहन यावेळी करण्यात आले.
कार्यक्रमादरम्यान उपस्थित सदस्यांशी संवाद साधत त्यांच्या सायबर सुरक्षेशी संबंधित शंकांचे निरसन करण्यात आले. ऑनलाइन फसवणूक, संशयास्पद लिंक, बनावट संदेश किंवा कॉल तसेच इतर डिजिटल धोक्यांपासून बचाव करण्यासाठी आवश्यक खबरदारी घेण्याबाबत मार्गदर्शन करण्यात आले.
या उपक्रमात क्विक हील फाउंडेशनच्या टीममधील तुषार वाघमारे, आदित्य माने, साहिल जाधव आणि परमेश्वर पांढरे उपस्थित होते. समाजातील विविध समुदायांपर्यंत सायबर सुरक्षा जनजागृती पोहोचवून सुरक्षित डिजिटल वापराबाबत जागरूकता निर्माण करण्याचा प्रयत्न या माध्यमातून करण्यात येत असल्याचे टीमने सांगितले.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
