“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” या संदेशातून औराद शहाजनी येथे नागरिकांमध्ये सायबर सुरक्षेबाबत जनजागृती करण्यात आली.
वाढत्या सायबर गुन्ह्यांच्या पार्श्वभूमीवर औराद शहाजनी येथे सायबर सुरक्षा जनजागृती उपक्रम घेण्यात आला. यावेळी नागरिकांना ऑनलाइन फसवणूक, बनावट फोन कॉल, ओटीपी फसवणूक, फिशिंग लिंक, बनावट योजना आणि सोशल मीडिया फसवणूक यांसारख्या विविध सायबर धोक्यांबाबत मार्गदर्शन करण्यात आले.
डिजिटल व्यवहार करताना ओटीपी, पासवर्ड, बँक खात्याची माहिती तसेच वैयक्तिक माहिती कोणालाही देऊ नये, तसेच अनोळखी किंवा संशयास्पद लिंकवर क्लिक करू नये, असे आवाहन यावेळी करण्यात आले. ऑनलाइन व्यवहार करताना सावधगिरी बाळगणे आणि कोणताही संशयास्पद संदेश किंवा फोन कॉल आल्यास त्याची खातरजमा करणे आवश्यक असल्याचेही सांगण्यात आले.
या उपक्रमात सायबर वॉरियर्स अविष्कार कांबळे आणि नरेश यांनी नागरिकांशी संवाद साधत सायबर सुरक्षेचे महत्त्व पटवून दिले. नागरिकांनी डिजिटल माध्यमांचा वापर करताना आवश्यक खबरदारी घेऊन स्वतःची आर्थिक व वैयक्तिक माहिती सुरक्षित ठेवावी, याबाबत मार्गदर्शन करण्यात आले.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश यावेळी देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
