भगवान विद्यालयातील विद्यार्थ्यांना सुरक्षित मोबाईल वापर, सोशल मीडिया गोपनीयता, मजबूत पासवर्ड आणि वैयक्तिक माहिती सुरक्षित ठेवण्याबाबत सायबर जनजागृती करण्यात आली.
भगवान विद्यालयात विद्यार्थ्यांसाठी सायबर सुरक्षा जनजागृती सत्राचे आयोजन करण्यात आले. क्विक हील फाउंडेशनच्या सहकार्याने आयोजित या उपक्रमात विद्यार्थ्यांना वाढत्या सायबर गुन्ह्यांपासून स्वतःचे संरक्षण कसे करावे, याबाबत मार्गदर्शन करण्यात आले.
या सत्राचे आयोजन व मार्गदर्शन अयान, सोहम, जाधव साहिल आणि परमेश्वर पांढरे या चार विद्यार्थ्यांनी केले. यावेळी ऑनलाइन फसवणूक, फिशिंग लिंक, ओटीपी फ्रॉड, बनावट कॉल व संदेश, सोशल मीडिया सुरक्षितता, मजबूत पासवर्ड तसेच वैयक्तिक माहिती ऑनलाइन शेअर करताना घ्यावयाची काळजी याबाबत विद्यार्थ्यांना माहिती देण्यात आली.
सत्राचे विशेष आकर्षण लाईव्ह हॅकिंग डेमो ठरले. प्रत्यक्ष प्रात्यक्षिकाच्या माध्यमातून सायबर हल्ले कोणत्या प्रकारे होऊ शकतात, हे विद्यार्थ्यांना समजावून सांगण्यात आले. हे प्रात्यक्षिक पाहून विद्यार्थी आश्चर्यचकित झाले आणि त्यांच्यामध्ये सायबर सुरक्षेबाबत उत्सुकता निर्माण झाली.
यावेळी विद्यार्थिनींच्या डिजिटल सुरक्षेवरही विशेष भर देण्यात आला. मोबाईलचा सुरक्षित वापर, सोशल मीडिया अकाउंटची गोपनीयता, अनोळखी व्यक्तींशी ऑनलाइन संवाद टाळणे, संशयास्पद लिंकवर क्लिक न करणे तसेच वैयक्तिक फोटो आणि माहिती सुरक्षित ठेवणे याबाबत विद्यार्थिनींना मार्गदर्शन करण्यात आले.
विद्यार्थ्यांनी उपक्रमात उत्स्फूर्त सहभाग घेत विविध प्रश्न विचारले. प्रश्नोत्तरांच्या माध्यमातून त्यांच्या शंकांचे निरसन करण्यात आले. त्यामुळे संपूर्ण सत्र संवादात्मक, माहितीपूर्ण आणि विद्यार्थ्यांसाठी उपयुक्त ठरले.
क्विक हील फाउंडेशनच्या सहकार्याने राबविण्यात आलेल्या या उपक्रमाचा मुख्य उद्देश विद्यार्थ्यांमध्ये सायबर सुरक्षेबाबत जागरूकता निर्माण करून त्यांना सुरक्षित आणि जबाबदार डिजिटल नागरिक बनविणे हा होता.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
