यशोधाम येथे चक्रवर्ती सम्राट अशोक जयंती उत्साहात साजरी
मलकापूर : “तलवारीच्या जोरावर राज्य करण्यापेक्षा लोकांच्या हृदयावर राज्य करा” हा आदर्श आपल्या जीवनातून जगासमोर ठेवणाऱ्या चक्रवर्ती सम्राट अशोक यांच्या जयंतीनिमित्त यशोधाम येथे उत्साहपूर्ण वातावरणात कार्यक्रमाचे आयोजन करण्यात आले.
तक्षशिला बहुउद्देशीय सेवाभावी ट्रस्ट, मलकापूर यांच्या वतीने बुद्धविहाराच्या सभागृहात हा कार्यक्रम पार पडला. कार्यक्रमाची सुरुवात सम्राट अशोक यांच्या प्रतिमेचे पूजन करून करण्यात आली. हे पूजन ट्रस्टचे उपाध्यक्ष वाय. के. मोरे सर यांच्या हस्ते करण्यात आले. यावेळी उपस्थितांनी पुष्प अर्पण करून सम्राट अशोकांना अभिवादन केले.
कार्यक्रमाला समाजभूषण जी. एस. मोहोड, नंदकिशोर खराटे, बी. जे. उमाळे, कैलास मेढे, अरुण लोखंडे, विजय वाघ, सुरेश तायडे यांच्यासह यशोधाम परिसरातील उपासक-उपासिका मोठ्या संख्येने उपस्थित होते. उपस्थितांनी सम्राट अशोक यांच्या कार्याचा आणि त्यांच्या जीवनातील परिवर्तनाचा आढावा घेतला.
यावेळी वक्त्यांनी सम्राट अशोकांनी युद्धाचा मार्ग सोडून शांतता, मानवता आणि बंधुत्वाचा स्वीकार केला, हा संदेश आजच्या समाजासाठी अत्यंत महत्त्वाचा असल्याचे सांगितले. त्यांच्या धम्मनीतीमुळे समाजात समता, सहिष्णुता आणि अहिंसेचे मूल्य रुजले, असेही त्यांनी नमूद केले.
कार्यक्रमाच्या शेवटी सर्व उपस्थितांनी सम्राट अशोक यांच्या विचारांचे स्मरण करून त्यांच्या आदर्शांचे पालन करण्याचा संकल्प व्यक्त केला. तसेच समाजात शांतता, एकता आणि बंधुभाव टिकवून ठेवण्याचे आवाहन करण्यात आले.
हा कार्यक्रम शांतता, मानवता आणि सामाजिक ऐक्याचा संदेश देणारा ठरला.
#samratashoka #malkapur #yashodham #sthaniksamachar
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
