जळगावमध्ये तापमानवाढीचा परिणाम; आरटीओ कार्यालयाने लायसन्स व फिटनेस कामांसाठी नव्या वेळापत्रकाची घोषणा केली.
जळगाव जिल्ह्यात वाढत्या उष्णतेच्या पार्श्वभूमीवर नागरिकांच्या आरोग्याची काळजी घेत प्रादेशिक परिवहन कार्यालयाने (RTO) महत्त्वाचा निर्णय घेतला आहे. योग्यता प्रमाणपत्र नूतनीकरण तसेच कच्ची व पक्की अनुज्ञप्ती (लायसन्स) चाचणीसाठीच्या अपॉइंटमेंट वेळेत तात्पुरता बदल करण्यात आला असून आता ही कामे सकाळी ८ ते दुपारी २ वाजेदरम्यान करण्यात येणार आहेत.
सध्या जिल्ह्यात तापमानाचा पारा मोठ्या प्रमाणात वाढला असून तीव्र उष्णतेची लाट जाणवत आहे. वाढत्या उष्णतेमुळे उष्माघाताच्या रुग्णांमध्ये वाढ होत असल्याने नागरिक त्रस्त झाले आहेत. अशा परिस्थितीत आरटीओ कार्यालयात विविध कामांसाठी येणाऱ्या वाहनमालक, चालक आणि अनुज्ञप्तीधारकांना दिलासा देण्यासाठी प्रशासनाने हे पाऊल उचलले आहे.
प्रादेशिक परिवहन कार्यालयात दररोज योग्यता प्रमाणपत्र नूतनीकरण, कच्ची व पक्की अनुज्ञप्ती चाचणी यांसाठी मोठ्या प्रमाणावर नागरिकांची गर्दी होत असते. या प्रक्रिया मैदानी स्वरूपाच्या असल्याने नागरिकांना प्रखर उन्हाचा सामना करावा लागत होता. ही बाब लक्षात घेऊन कार्यालयीन वेळेत तात्पुरता बदल करण्यात आला आहे.
राजेंद्र वर्मा यांनी सांगितले की, बदललेल्या वेळेनुसार आता सकाळी ८ ते दुपारी २ वाजेपर्यंतच अपॉइंटमेंट दिल्या जाणार आहेत. नागरिकांनी नवीन वेळेची नोंद घेऊन त्यानुसार कार्यालयात उपस्थित राहावे, असे आवाहन त्यांनी केले.
उन्हाच्या तीव्रतेमुळे नागरिकांना उष्माघाताचा त्रास होऊ नये आणि सकाळच्या वेळेतच कामे पूर्ण करता यावीत, हा या निर्णयामागील मुख्य उद्देश असल्याचेही त्यांनी स्पष्ट केले.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
