जळगावात शुक्रवारी सकाळी इलेक्ट्रिकल दुकानाला आग लागल्यानंतर अग्निशमन दलाने वेळीच घटनास्थळी पोहोचून आग नियंत्रणात आणली.
शहरातील सत्यम पार्क परिसरातील सोपाननगर, दूध फेडरेशन रोडवरील दिनेश इलेक्ट्रिकल्स या दुकानाला शुक्रवारी (१० जुलै) सकाळी अचानक आग लागली. अग्निशमन दलाने वेळेत घटनास्थळी पोहोचून आग नियंत्रणात आणल्याने मोठी दुर्घटना टळली. या घटनेत सुमारे ५० हजार रुपयांचे नुकसान झाले असून, कोणतीही जीवितहानी झाली नाही.
अग्निशमन विभागाला सकाळी ८.५० वाजता प्राची तायडे यांनी दुकानाला आग लागल्याची माहिती दिली. त्यानंतर अग्निशमन मुख्यालयातून बंब तातडीने घटनास्थळी रवाना करण्यात आला. जवानांनी पाण्याचा मारा करून काही वेळातच आगीवर पूर्णपणे नियंत्रण मिळविले.
आगीत दुकानातील पंखे, कुलर, इलेक्ट्रिक मोटारी तसेच अन्य विद्युत साहित्य जळून खाक झाले. प्राथमिक अंदाजानुसार सुमारे ५० हजार रुपयांचे नुकसान झाल्याची माहिती आहे.
सदर इमारत दोन मजली असून तळमजल्यावर दुकान आणि वरच्या मजल्यावर रहिवासी वास्तव्यास आहेत. आग पसरण्यापूर्वीच अग्निशमन दल घटनास्थळी पोहोचल्याने रहिवाशांना कोणताही धोका निर्माण झाला नाही.
दुकानाचे मालक दिनेश भगवान परदेशी असून, अग्निशमन विभागाचे वाहन चालक प्रकाश चव्हाण तसेच फायरमन संजय तायडे, नितीन ससाने आणि किरण पाटील यांनी तत्परतेने काम करत आग आटोक्यात आणली.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
