सण-उत्सवांच्या पार्श्वभूमीवर जळगाव पोलिसांकडून विशेष खबरदारी. संवेदनशील भागांत रूट मार्च काढून शांतता आणि सुरक्षिततेचा संदेश देण्यात आला.
आगामी सण-उत्सवांच्या पार्श्वभूमीवर शहरातील कायदा व सुव्यवस्था अबाधित ठेवण्यासाठी जळगाव शहर पोलिसांच्या वतीने संवेदनशील भागांत रूट मार्च काढण्यात आला. शहर पोलीस ठाणे आणि एमआयडीसी पोलीस ठाण्याच्या हद्दीतील संवेदनशील परिसरातून पोलिसांचे पथसंचलन पार पडले.
या रूट मार्चमध्ये सशस्त्र पोलीस कर्मचारी, शीघ्र कृती दलाचे जवान, दंगा नियंत्रण पथक तसेच मोठ्या संख्येने पोलीस अधिकारी व कर्मचारी सहभागी झाले. पोलिसांच्या ताफ्याने शहरातील विविध संवेदनशील भागांतून संचलन करत नागरिकांमध्ये सुरक्षिततेचा विश्वास निर्माण करण्याचा प्रयत्न केला.
या रूट मार्चचे विशेष आकर्षण म्हणजे जिल्हाधिकारी रोहन घुगे यांनी स्वतः पोलिसांसोबत पायी सहभागी होत पथसंचलन केले. जिल्हाधिकाऱ्यांनी रस्त्यावर उतरून पोलिसांसोबत सहभाग घेतल्याने आगामी सण-उत्सवांच्या काळात कायदा व सुव्यवस्था राखण्यासाठी प्रशासन आणि पोलीस यंत्रणा सज्ज असल्याचा संदेश देण्यात आला.
आगामी काळात विविध धार्मिक सण, उत्सव आणि मिरवणुका होणार आहेत. या पार्श्वभूमीवर कोणताही अनुचित प्रकार घडू नये, तसेच संवेदनशील भागांमध्ये शांतता आणि सुव्यवस्था कायम राहावी, यासाठी पोलिसांकडून विशेष खबरदारी घेतली जात आहे.
रूट मार्चदरम्यान पोलिसांचा मोठा फौजफाटा शहरातील रस्त्यांवर दिसून आला. पोलिसांच्या या पथसंचलनामुळे असामाजिक प्रवृत्तींना स्पष्ट संदेश देण्यात आला असून, सण-उत्सव शांततेत आणि सुरक्षित वातावरणात पार पाडण्यासाठी पोलीस प्रशासन सज्ज असल्याचे चित्र पाहायला मिळाले.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989, ईमेल – sthaniksamacharbharat@gmail.com
