लातूरमध्ये क्विक हील फाउंडेशनच्या सायबर सुरक्षा उपक्रमाला विद्यार्थ्यांचा उत्स्फूर्त प्रतिसाद; सुरक्षित डिजिटल सवयींबाबत विद्यार्थ्यांमध्ये जनजागृती.
डिजिटल तंत्रज्ञानाचा वाढता वापर आणि त्यासोबत निर्माण होणारे सायबर धोके लक्षात घेता विद्यार्थ्यांमध्ये सायबर सुरक्षा व डिजिटल सुरक्षिततेबाबत जागरूकता निर्माण करण्याच्या उद्देशाने क्विक हील फाउंडेशनच्या वतीने लातूर येथील विद्या विकास विद्यालयात सायबर सुरक्षा जनजागृती सत्राचे आयोजन करण्यात आले. या उपक्रमात इयत्ता ५ वी ते १० वीच्या विद्यार्थ्यांनी उत्स्फूर्त सहभाग नोंदविला.
या सत्रात राजर्षी शाहू महाविद्यालय, लातूर येथील विद्यार्थी जाधव साहिल आणि कृष्णा पांढरे यांनी विद्यार्थ्यांशी संवाद साधत डिजिटल जगात सुरक्षित राहण्याचे महत्त्व विविध उदाहरणांच्या माध्यमातून समजावून सांगितले. तंत्रज्ञानाचा वापर करताना कोणती काळजी घ्यावी आणि सायबर गुन्ह्यांपासून स्वतःचे संरक्षण कसे करावे, याबाबत विद्यार्थ्यांना मार्गदर्शन करण्यात आले.
मजबूत पासवर्डपासून सोशल मीडिया सुरक्षेपर्यंत मार्गदर्शन
विद्यार्थ्यांना मजबूत पासवर्ड तयार करण्याचे महत्त्व, वैयक्तिक माहिती सुरक्षित ठेवणे, सोशल मीडिया वापरताना आवश्यक खबरदारी, ऑनलाइन फसवणुकीपासून सावध राहणे तसेच डिजिटल माध्यमांचा जबाबदारीने वापर करण्याबाबत माहिती देण्यात आली. 
सायबर सुरक्षेकडे दुर्लक्ष केल्यास कोणते संभाव्य धोके निर्माण होऊ शकतात, याचीही विविध उदाहरणांद्वारे विद्यार्थ्यांना जाणीव करून देण्यात आली. अनोळखी व्यक्तींकडून येणारे संदेश, लिंक किंवा इतर डिजिटल माध्यमांद्वारे होणाऱ्या फसवणुकीपासून सतर्क राहण्याचा संदेश यावेळी देण्यात आला.
विद्यार्थ्यांच्या प्रश्नांमुळे सत्र ठरले संवादात्मक
मार्गदर्शनादरम्यान विद्यार्थ्यांनी सायबर सुरक्षा आणि डिजिटल वापराबाबत विविध प्रश्न विचारत सक्रिय सहभाग नोंदविला. विद्यार्थ्यांची जिज्ञासा, प्रश्न आणि उत्स्फूर्त प्रतिसाद यामुळे हे सत्र अधिक माहितीपूर्ण, संवादात्मक आणि उपयुक्त ठरले.
आजच्या डिजिटल युगात तंत्रज्ञानाचा वापर करणे जितके महत्त्वाचे आहे, तितकेच त्याचा सुरक्षित, सजग आणि जबाबदार वापर करणे आवश्यक आहे, हा संदेश या उपक्रमातून विद्यार्थ्यांपर्यंत पोहोचविण्यात आला.
क्विक हील फाउंडेशनच्या मार्गदर्शनाखाली आयोजित या उपक्रमाचा मुख्य उद्देश विद्यार्थ्यांना सायबर धोक्यांची जाणीव करून देणे आणि सुरक्षित डिजिटल सवयी आत्मसात करण्यासाठी सक्षम करणे हा होता. विद्यार्थ्यांसाठी अशा प्रकारचे जनजागृती उपक्रम भविष्यातही आवश्यक असल्याचे यावेळी अधोरेखित करण्यात आले.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
