लातूरमध्ये सायबर सुरक्षा जनजागृती; जान्हवी आणि जाधव साहील यांनी ॲड. अजिंक्य निकम यांच्याकडून सायबर गुन्ह्यांशी संबंधित कायदेशीर माहिती जाणून घेतली.
सायबर सुरक्षा जनजागृती उपक्रमांतर्गत ॲड. अजिंक्य निकम यांच्यासोबत जान्हवी आणि जाधव साहील यांनी सायबर गुन्हे आणि त्यांच्याशी संबंधित कायदेशीर बाबींवर विशेष संवाद साधला. या संवादातून सायबर गुन्ह्यांची वाढती व्याप्ती, पीडितांना भेडसावणाऱ्या अडचणी आणि अशा प्रकरणांमध्ये उपलब्ध असलेल्या कायदेशीर उपाययोजनांबाबत महत्त्वपूर्ण माहिती मिळाली.
संवादादरम्यान टीमने ॲड. अजिंक्य निकम यांच्या अनुभवातील सायबर गुन्ह्यांच्या प्रकरणांचा संदर्भ घेत विविध प्रश्न उपस्थित केले. सायबर गुन्ह्यांच्या केसेसमध्ये वाढ होण्याची कारणे, पीडितांना कोणत्या प्रकारच्या अडचणींचा सामना करावा लागतो तसेच अशा प्रकरणांकडे कायदेशीर पातळीवर कशा पद्धतीने पाहिले जाते, याबाबत त्यांनी माहिती जाणून घेतली.
सायबर गुन्हेगारांकडून केली जाणारी विविध प्रकारची ऑनलाइन फसवणूक, त्यातून निर्माण होणाऱ्या कायदेशीर अडचणी आणि पीडितांना उपलब्ध होणारी कायदेशीर मदत याबाबत ॲड. अजिंक्य निकम यांनी सविस्तर मार्गदर्शन केले. या संवादामुळे टीमला सायबर गुन्ह्यांच्या प्रकरणांचा प्रत्यक्ष कायदेशीर अनुभव आणि त्याकडे पाहण्याचा वेगळा दृष्टिकोन समजून घेण्यास मदत झाली.
यावेळी जान्हवी आणि जाधव साहील यांनी सायबर सुरक्षा जनजागृतीच्या माध्यमातून करण्यात येणाऱ्या कामाची माहिती ॲड. निकम यांना दिली. विद्यार्थ्यांपासून पालकांपर्यंत डिजिटल सेफ्टीचा संदेश पोहोचविण्यासाठी विविध माध्यमांचा वापर कसा केला जातो, याबाबतही त्यांनी माहिती दिली.
सायबर गुन्ह्यांविषयी कायदेशीर माहिती आणि डिजिटल सुरक्षेबाबतची जनजागृती यांचा परस्पर संबंध स्पष्ट करणारा हा संवाद माहितीपूर्ण आणि मार्गदर्शक ठरला.
हा विशेष संवाद क्विक हील फाऊंडेशनच्या वतीने राबविण्यात येणाऱ्या सायबर सुरक्षा जनजागृतीच्या व्यापक उपक्रमाचा भाग म्हणून आयोजित करण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
