मराठवाडा मुक्ती संग्राम दिनानिमित्त मुलींमध्ये सायबर सुरक्षेबाबत जनजागृती
राजर्षी शाहू महाविद्यालयात विद्यार्थिनींना फोटो मॉर्फिंग, डीपफेक, बनावट लिंक आणि सोशल मीडिया गैरवापराबाबत मार्गदर्शन
लातूर : मराठवाडा मुक्ती संग्राम दिनानिमित्त राजर्षी शाहू महाविद्यालय, लातूर येथे क्विक हिल फाउंडेशनच्या वतीने विद्यार्थिनींसाठी सायबर सुरक्षा जनजागृती कार्यक्रमाचे आयोजन करण्यात आले. यावेळी प्राजक्ता आणि योगिता यांनी विद्यार्थिनींना डिजिटल जगात आपली ओळख, वैयक्तिक माहिती आणि सोशल मीडिया अकाउंट्स सुरक्षित ठेवण्याबाबत मार्गदर्शन केले.
कार्यक्रमादरम्यान फोटो मॉर्फिंग, डीपफेक, बनावट लिंक आणि सोशल मीडिया गैरवापर यांसारख्या सायबर धोक्यांची सविस्तर माहिती देण्यात आली. फोटो मॉर्फिंग आणि डीपफेकच्या माध्यमातून एखाद्या व्यक्तीच्या प्रतिमेचा गैरवापर कशा प्रकारे होऊ शकतो, याचे उदाहरणांसह स्पष्टीकरण देण्यात आले.
डिजिटल माध्यमांचा वापर करताना वैयक्तिक माहितीची गोपनीयता जपणे आणि सोशल मीडिया अकाउंट्सची सुरक्षा मजबूत ठेवणे आवश्यक असल्याचे यावेळी सांगण्यात आले. तसेच अनोळखी व्यक्तींकडून येणाऱ्या संदेशांना किंवा लिंकना प्रतिसाद देण्यापूर्वी सावधगिरी बाळगण्याचे आवाहन करण्यात आले.
“आपली डिजिटल ओळख आणि सुरक्षितता ही सर्वप्रथम आपलीच जबाबदारी आहे,” असा महत्त्वपूर्ण संदेश यावेळी देण्यात आला. विद्यार्थिनींनी अनोळखी व्यक्तींशी वैयक्तिक माहिती शेअर करू नये, सोशल मीडिया प्रायव्हसी जपावी आणि संशयास्पद ऑनलाइन गोष्टींपासून सावध राहावे, याबाबत मार्गदर्शन करण्यात आले.
या उपक्रमासाठी क्विक हिल फाउंडेशनच्या टीममधील साहिल जाधव, परमेश्वर पांढरे तसेच इतर सदस्य उपस्थित होते. कार्यक्रमाच्या माध्यमातून विद्यार्थिनींमध्ये सायबर सुरक्षेबाबत जागरूकता निर्माण करण्याचा संदेश देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
