“माझा डेटा, माझी जबाबदारी” या संदेशातून ग्रामीण नागरिकांना ओटीपी, पासवर्ड, बँक खात्याची व वैयक्तिक माहिती सुरक्षित ठेवण्याचे आवाहन करण्यात आले.
वाढत्या ऑनलाइन फसवणुकीच्या पार्श्वभूमीवर ग्रामीण भागातील नागरिकांमध्ये सायबर सुरक्षेबाबत जनजागृती करण्यात आली. यावेळी नागरिकांना ऑनलाइन फसवणुकीचे विविध प्रकार, बनावट फोन कॉल, ओटीपी फसवणूक, फिशिंग लिंक, बनावट सरकारी योजना तसेच सोशल मीडिया फसवणुकीबाबत माहिती देण्यात आली.
डिजिटल व्यवहार करताना ओटीपी, पासवर्ड, बँक खात्याची माहिती तसेच वैयक्तिक माहिती कोणालाही देऊ नये, असे आवाहन करण्यात आले. तसेच अनोळखी लिंकवर क्लिक करू नये आणि संशयास्पद संदेश किंवा फोन कॉलपासून सावध राहावे, याबाबत नागरिकांना मार्गदर्शन करण्यात आले.
या जनजागृती उपक्रमात सायबर वॉरियर्स अविष्कार कांबळे, नरेश पंडित, आयुष जोशी, श्रेयस माकणे आणि प्राची भोसले यांनी नागरिकांशी संवाद साधत सायबर सुरक्षेचे महत्त्व पटवून दिले. ऑनलाइन फसवणुकीपासून बचाव करण्यासाठी डिजिटल व्यवहार करताना आवश्यक खबरदारी घेण्याचे आवाहनही करण्यात आले.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश यावेळी देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
