कृष्णा पांढरे यांच्या लाईव्ह हॅकिंग डेमोमुळे हॉटेल वैष्णवच्या शेफ टीमला सायबर धोक्यांचे गांभीर्य समजले; सुरक्षित डिजिटल वापराचा संदेश.
लातूर : डिजिटल युगात सायबर सुरक्षेचे महत्त्व केवळ विद्यार्थी किंवा तरुणांपुरते मर्यादित न राहता समाजातील प्रत्येक घटकापर्यंत पोहोचावे, या उद्देशाने हॉटेल वैष्णव येथील संपूर्ण शेफ टीमसोबत विशेष सायबर सुरक्षा जनजागृती संवादाचे आयोजन करण्यात आले. यावेळी कृष्णा पांढरे यांनी शेफ टीमसोबत संवाद साधत डिजिटल सुरक्षेबाबत महत्त्वपूर्ण माहिती दिली.
या उपक्रमादरम्यान कृष्णा पांढरे यांनी टीमसमोर लाईव्ह हॅकिंग डेमो सादर करून डिजिटल जगात वापरकर्त्यांच्या निष्काळजीपणाचा गैरफायदा कशा प्रकारे घेतला जाऊ शकतो, हे प्रात्यक्षिकातून समजावून सांगितले. मोबाईल, सोशल मीडिया, ऑनलाइन व्यवहार, बनावट लिंक, OTP, फिशिंग तसेच वैयक्तिक माहितीच्या सुरक्षेबाबत विविध उदाहरणांद्वारे मार्गदर्शन करण्यात आले.
विशेष म्हणजे, या संवादामध्ये केवळ वैयक्तिक डिजिटल सुरक्षेवर भर न देता कुटुंबाची डिजिटल सुरक्षा कशी जपावी, याबाबतही चर्चा करण्यात आली. घरातील लहान मुले, पालक आणि इतर कुटुंबीय ऑनलाइन जगाचा वापर करत असताना कोणती काळजी घ्यावी, सोशल मीडिया अकाउंट सुरक्षित कसे ठेवावे, संशयास्पद लिंकपासून कसे दूर राहावे आणि ऑनलाइन फसवणूक टाळण्यासाठी कोणत्या सवयी अंगीकाराव्यात, याची माहिती देण्यात आली.
हा उपक्रम Quick Heal Foundationच्या Impact Activityच्या माध्यमातून समाजातील विविध घटकांमध्ये सायबर सुरक्षा जनजागृती पोहोचवण्याच्या उद्देशाने राबविण्यात आला. शेफ टीमसोबत झालेल्या संवादात त्यांच्या सायबर सुरक्षेशी संबंधित प्रश्नांवर चर्चा करण्यात आली. तसेच भविष्यातही अशा प्रकारच्या जनजागृती उपक्रमांसाठी संपर्क व सहकार्य करण्याबाबत सकारात्मक संवाद झाला.
लाईव्ह डेमोमुळे शेफ टीममधील सदस्यांना सायबर धोक्यांचे गांभीर्य प्रत्यक्ष अनुभवातून समजून घेता आले. “सायबर सुरक्षा ही केवळ तंत्रज्ञानाशी संबंधित बाब नसून प्रत्येक व्यक्ती आणि प्रत्येक कुटुंबाची जबाबदारी आहे,” हा संदेश या उपक्रमातून देण्यात आला.
Quick Heal Foundationच्या माध्यमातून विद्यार्थ्यांपासून कामगार, व्यावसायिक आणि त्यांच्या कुटुंबांपर्यंत सायबर सुरक्षेची जागरूकता पोहोचवण्याच्या प्रयत्नाला हॉटेल वैष्णवच्या शेफ टीमचा मिळालेला प्रतिसाद महत्त्वपूर्ण ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
