सायबर जनजागृती उपक्रमाबद्दल देशमुख मॅडम यांच्या हस्ते परमेश्वर पांड्रे यांचा सत्कार; विद्यार्थ्यांना सुरक्षित ऑनलाइन गेमिंग आणि डिजिटल व्यवहाराबाबत मार्गदर्शन.
Quick Heal Foundationच्या माध्यमातून कृष्णा पांड्रे व त्यांच्या टीमने जवळपास अडीच हजार विद्यार्थ्यांसमोर लाईव्ह हॅकिंगचे प्रात्यक्षिक सादर करत विद्यार्थ्यांना सायबर सुरक्षेबाबत जागरूक केले. विशेषतः ऑनलाइन गेमिंगच्या माध्यमातून होणारे विविध स्कॅम्स, बनावट लिंक, ऑनलाइन फसवणूक आणि वैयक्तिक माहितीच्या गैरवापराचे धोके विद्यार्थ्यांना प्रत्यक्ष उदाहरणांद्वारे समजावून सांगण्यात आले.
लाईव्ह डेमोच्या माध्यमातून विद्यार्थ्यांना ऑनलाइन गेमिंग करताना अनोळखी व्यक्तींवर विश्वास न ठेवणे, संशयास्पद लिंकवर क्लिक न करणे, OTP किंवा वैयक्तिक माहिती शेअर न करणे आणि ऑनलाइन व्यवहार करताना सतर्क राहणे याबाबत मार्गदर्शन करण्यात आले.
ऑनलाइन गेमिंगच्या माध्यमातून सायबर गुन्हेगारांकडून फसवणुकीचे विविध प्रकार केले जाऊ शकतात. त्यामुळे गेमिंग प्लॅटफॉर्मवर अनोळखी व्यक्तींशी संवाद साधताना तसेच कोणत्याही लिंक, ऑफर किंवा डिजिटल व्यवहाराबाबत सावधगिरी बाळगण्याचा संदेश विद्यार्थ्यांना देण्यात आला.
या सायबर जनजागृती उपक्रमाबद्दल देशमुख मॅडम यांच्या हस्ते परमेश्वर पांड्रे यांचा सत्कार करण्यात आला. त्यांच्या सायबर सुरक्षा जनजागृतीच्या कार्याचे कौतुक करत पुढील वाटचालीसाठी शुभेच्छा देण्यात आल्या.
विद्यार्थ्यांमध्ये सायबर सुरक्षेची जाणीव निर्माण करण्यासाठी लाईव्ह डेमोच्या माध्यमातून राबविण्यात आलेला हा उपक्रम महत्त्वपूर्ण ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
