‘सतर्क नागरिक आणि सुरक्षित डिजिटल समाज’ या उद्देशाने महाराष्ट्र विद्यालयात सायबर सुरक्षा जनजागृती कार्यक्रम; विद्यार्थ्यांचा उत्स्फूर्त सहभाग.
महाराष्ट्र विद्यालयात Quick Heal Foundationच्या वतीने सायबर सुरक्षा जनजागृती कार्यक्रमाचे आयोजन करण्यात आले. यावेळी परमेश्वर पांडरे व त्यांच्या टीमने विद्यार्थ्यांसमोर लाईव्ह हॅकिंगचे प्रात्यक्षिक सादर करत सायबर हल्ले आणि ऑनलाइन फसवणुकीच्या विविध धोक्यांबाबत मार्गदर्शन केले.
प्रत्यक्ष डेमोच्या माध्यमातून विद्यार्थ्यांना फिशिंग, बनावट लिंक, पासवर्ड सुरक्षा, सोशल मीडिया वापर आणि ऑनलाइन व्यवहार करताना घ्यावयाची खबरदारी याबाबत माहिती देण्यात आली. डिजिटल माध्यमांचा वापर करताना अनोळखी लिंकवर क्लिक न करणे, संवेदनशील माहिती शेअर न करणे आणि मजबूत पासवर्डचा वापर करणे यासारख्या सुरक्षित डिजिटल सवयींबाबतही विद्यार्थ्यांना मार्गदर्शन करण्यात आले.
कार्यक्रमादरम्यान विद्यार्थ्यांनी उत्स्फूर्त सहभाग नोंदवत सायबर सुरक्षेबाबत विविध प्रश्न विचारले. लाईव्ह डेमोमुळे सायबर धोक्यांचे स्वरूप विद्यार्थ्यांना प्रत्यक्ष उदाहरणांद्वारे समजून घेता आले.
विद्यार्थ्यांमध्ये सायबर सुरक्षेबाबत जागरूकता निर्माण करण्यासाठी घेतलेल्या या उपक्रमाबद्दल परमेश्वर पांडरे व त्यांच्या टीमचे कौतुक करण्यात आले. तसेच त्यांच्या पुढील सायबर जनजागृतीच्या वाटचालीसाठी शुभेच्छा देण्यात आल्या.
‘सतर्क नागरिक आणि सुरक्षित डिजिटल समाज’ घडविण्याच्या उद्देशाने Quick Heal Foundationच्या माध्यमातून राबविण्यात आलेला हा उपक्रम विद्यार्थ्यांसाठी मार्गदर्शक ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
