जय भारत विद्यालयात हजाराहून अधिक विद्यार्थ्यांसाठी सायबर सुरक्षा कार्यक्रम; लाईव्ह हॅकिंग प्रात्यक्षिकातून डिजिटल फसवणुकीपासून सावध राहण्याचे आवाहन.
निलंगा येथील जय भारत विद्यालयात Quick Heal Foundationच्या वतीने सायबर सुरक्षा जनजागृती कार्यक्रमाचे आयोजन करण्यात आले. यावेळी परमेश्वर पांढरे यांनी विद्यार्थ्यांसमोर लाईव्ह हॅकिंगचे प्रत्यक्ष प्रात्यक्षिक सादर करत सायबर फसवणूक आणि ऑनलाइन धोक्यांपासून सतर्क राहण्याचा संदेश दिला.
या कार्यक्रमाला हजाराहून अधिक विद्यार्थ्यांची उपस्थिती होती. लाईव्ह डेमोच्या माध्यमातून विद्यार्थ्यांना फिशिंग, बनावट लिंक, पासवर्ड सुरक्षा, सोशल मीडिया वापर तसेच ऑनलाइन फसवणुकीपासून बचाव करण्याबाबत मार्गदर्शन करण्यात आले. डिजिटल माध्यमांचा वापर करताना कोणती खबरदारी घ्यावी आणि संशयास्पद ऑनलाइन व्यवहारांपासून कसे दूर राहावे, याची माहिती विद्यार्थ्यांना प्रत्यक्ष उदाहरणांद्वारे देण्यात आली.
कृष्णा पांढरे आणि परमेश्वर पांढरे यांच्या माध्यमातून विद्यार्थ्यांपर्यंत सायबर सुरक्षेची महत्त्वपूर्ण माहिती पोहोचवण्यात आली. प्रत्यक्ष प्रात्यक्षिकामुळे विद्यार्थ्यांना सायबर धोक्यांचे स्वरूप अधिक प्रभावीपणे समजून घेता आले.
‘सतर्क राहा, सुरक्षित राहा आणि डिजिटल जगाचा जबाबदारीने वापर करा’ हा संदेश देत कार्यक्रम उत्साहात संपन्न झाला. विद्यार्थ्यांमध्ये डिजिटल सुरक्षिततेबाबत जागरूकता निर्माण करण्यासाठी अशा उपक्रमांचे महत्त्व यावेळी अधोरेखित करण्यात आले.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
