सायबर गुन्ह्यांपासून बचावासाठी सतर्कता, संशयास्पद लिंकपासून सावधगिरी आणि वैयक्तिक माहितीची सुरक्षितता याबाबत मार्गदर्शन करण्यात आले. ‘सतर्क नागरिक, सुरक्षित समाज’ हा संदेश देण्यात आला.
लातूर : वाढत्या सायबर गुन्ह्यांच्या पार्श्वभूमीवर सूर्यादक्षिण इडली, लातूरचे सर्वेसर्वा सोमनाथ महाजन अप्पा यांच्याशी सायबर वॉरियर नरेश पंडित यांनी सायबर गुन्हे आणि डिजिटल सुरक्षिततेबाबत चर्चा केली.
यावेळी ऑनलाइन फसवणूक, ओटीपी फ्रॉड, फिशिंग लिंक, बनावट फोन कॉल, सोशल मीडिया फसवणूक तसेच डिजिटल व्यवहार करताना घ्यावयाची काळजी याबाबत सविस्तर चर्चा करण्यात आली. नागरिकांनी सायबर गुन्ह्यांपासून सुरक्षित राहण्यासाठी सतर्कता बाळगणे, संशयास्पद लिंकवर क्लिक न करणे आणि अनोळखी व्यक्तींना ओटीपी, पासवर्ड किंवा वैयक्तिक माहिती न देणे आवश्यक असल्याचे सांगण्यात आले.
क्विक हील फाउंडेशन, महाराष्ट्र सायबर आणि राजर्षी शाहू महाविद्यालय, लातूर यांच्या संयुक्त विद्यमाने राबविण्यात येणाऱ्या सायबर जनजागृती उपक्रमाच्या माध्यमातून समाजातील विविध घटकांपर्यंत सायबर सुरक्षेचा संदेश पोहोचविण्याचे कार्य सुरू आहे.
या चर्चेद्वारे डिजिटल व्यवहारांमध्ये आवश्यक खबरदारी, सायबर धोक्यांची ओळख आणि सुरक्षित डिजिटल सवयी याबाबत जागरूकता निर्माण करण्याचा प्रयत्न करण्यात आला. “सतर्क नागरिक, सुरक्षित समाज” हा संदेश यावेळी देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
