डिजिटल युगात सायबर सुरक्षेचा संदेश समाजातील प्रत्येक घटकापर्यंत पोहोचविण्याची गरज अधोरेखित करत डॉ. विठ्ठल ल्हाणे यांनी अविष्कार कांबळे यांना पुढील कार्यासाठी शुभेच्छा दिल्या.
लातूर : सायबर सुरक्षा जनजागृतीच्या क्षेत्रात कार्य करणारे सायबर वॉरियर अविष्कार कांबळे यांच्या कार्याचे कौतुक करत डॉ. विठ्ठल ल्हाणे यांनी त्यांना शाबासकीची थाप देत प्रोत्साहन दिले.
ऑनलाइन फसवणूक, ओटीपी फ्रॉड, फिशिंग लिंक, बनावट फोन कॉल, सोशल मीडिया फसवणूक तसेच सुरक्षित डिजिटल व्यवहाराबाबत नागरिक आणि विद्यार्थ्यांमध्ये जनजागृती करण्यासाठी अविष्कार कांबळे विविध उपक्रमांमध्ये सातत्याने सहभागी होत आहेत.
क्विक हील फाउंडेशन, महाराष्ट्र सायबर आणि राजर्षी शाहू महाविद्यालय, लातूर यांच्या संयुक्त विद्यमाने राबविण्यात येणाऱ्या सायबर जनजागृती उपक्रमांतर्गत त्यांच्या कार्याची दखल घेण्यात आली. डॉ. विठ्ठल ल्हाणे यांनी अविष्कार कांबळे यांच्या कार्याचे कौतुक करून भविष्यातही सायबर सुरक्षेसाठी असेच प्रभावी कार्य सुरू ठेवावे, अशा शुभेच्छा दिल्या.
सायबर सुरक्षेचा संदेश समाजातील प्रत्येक घटकापर्यंत पोहोचविण्यासाठी सातत्याने जनजागृती करणे आवश्यक असून, डिजिटल युगात सुरक्षित आणि जबाबदार वर्तनाला विशेष महत्त्व असल्याचा संदेश यावेळी देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
