“माझा डेटा, माझी जबाबदारी” या संदेशातून जय भवानी विद्यालय, सुगाव येथे विद्यार्थ्यांना सुरक्षित डिजिटल व्यवहार आणि ऑनलाइन फसवणुकीपासून बचावाचे धडे.
वाढत्या सायबर गुन्ह्यांच्या पार्श्वभूमीवर जय भवानी विद्यालय स्कूल, सुगाव येथे सायबर सुरक्षा जनजागृतीपर उपक्रम घेण्यात आला. यावेळी विद्यार्थ्यांना ऑनलाइन फसवणुकीचे विविध प्रकार, डिजिटल व्यवहारातील सुरक्षितता तसेच सोशल मीडियाचा जबाबदारीने वापर करण्याबाबत मार्गदर्शन करण्यात आले.
विद्यार्थ्यांनी OTP, पासवर्ड, बँक खात्याची माहिती आणि वैयक्तिक माहिती कोणालाही देऊ नये, अनोळखी लिंकवर क्लिक करू नये, तसेच संशयास्पद फोन, संदेश आणि ऑनलाइन ऑफर्सपासून सावध राहावे, असे आवाहन करण्यात आले.
या उपक्रमात सायबर वॉरियर्स अविष्कार कांबळे, गायत्री मायकर आणि प्राची भुसले यांनी विद्यार्थ्यांशी संवाद साधत सायबर सुरक्षेचे महत्त्व पटवून दिले. डिजिटल व्यवहार करताना कोणती काळजी घ्यावी, संशयास्पद ऑनलाइन व्यवहार ओळखायचे कसे आणि वैयक्तिक माहिती सुरक्षित कशी ठेवायची, याबाबतही विद्यार्थ्यांना माहिती देण्यात आली.
उपक्रमाला विद्यार्थ्यांचा उत्स्फूर्त प्रतिसाद मिळाला. विद्यार्थ्यांनी सायबर सुरक्षेशी संबंधित विविध प्रश्न विचारून आपल्या शंकांचे निरसन करून घेतले.
“माझा डेटा, माझी जबाबदारी; सुरक्षित डिजिटल व्यवहार हीच काळाची गरज,” असा संदेश या जनजागृती उपक्रमातून विद्यार्थ्यांना देण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
