कवयित्री बहिणाबाई चौधरी शासकीय औद्योगिक प्रशिक्षण संस्था, जळगाव येथे विविध ट्रेडमध्ये तासिका तत्त्वावरील निदेशक पदांची भरती जाहीर. जाणून घ्या पात्रता, परीक्षा आणि मुलाखतीची माहिती.
कवयित्री बहिणाबाई चौधरी शासकीय औद्योगिक प्रशिक्षण संस्था (आयटीआय), जळगाव येथे प्रवेश सत्र ऑगस्ट-२०२६ करिता विविध व्यवसायांमध्ये तात्पुरत्या स्वरूपात तासिका तत्त्वावरील निदेशकांची नियुक्ती करण्यात येणार आहे. यासाठी पात्र उमेदवारांनी बुधवार, दि. ५ ऑगस्ट २०२६ रोजी सकाळी ११ वाजता संस्थेत उपस्थित राहण्याचे आवाहन करण्यात आले आहे.
निदेशक पदासाठी इच्छुक उमेदवारांनी अर्जासह शैक्षणिक पात्रतेची मूळ प्रमाणपत्रे व साक्षांकित प्रती घेऊन लेखी परीक्षा, प्रात्यक्षिक परीक्षा आणि मुलाखतीसाठी प्रत्यक्ष उपस्थित राहावे, असे संस्थेचे प्राचार्य वाय. के. कुलकर्णी यांनी कळविले आहे.
या भरती प्रक्रियेत यंत्रकारागीर-१, टीडीएम (J&F)-३, टीडीएम (D&M)-१, यंत्रकारागीर घर्षक-२, कातारी-१, ट्रॅक्टर मेकॅनिक-१, गणित चित्रकला निदेशक-७, एम्प्लॉयबिलिटी स्किल्स निदेशक-६, संधाता-१, विजतंत्री-१, फॉन्डीमॅन-१, यांत्रिक डिझेल-२, पी.पी.ओ.-१ आणि जोडारी-१ अशा विविध पदांचा समावेश आहे.
उपस्थित राहणाऱ्या उमेदवारांना कोणत्याही प्रकारचा उपस्थिती भत्ता देण्यात येणार नसल्याचेही संस्थेने स्पष्ट केले आहे. संबंधित व्यवसायातील आवश्यक शैक्षणिक पात्रता असलेल्या उमेदवारांनी विहित दिवशी आवश्यक कागदपत्रांसह उपस्थित राहावे, असे आवाहन प्राचार्य वाय. के. कुलकर्णी यांनी प्रसिद्धीपत्रकाद्वारे केले आहे.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
