जळगाव जिल्ह्याचा गौरव! सामाजिक जनजागृती आणि समाजोपयोगी उपक्रमांसाठी आशीष सपकाळे यांना प्रतिष्ठेचा राज्यस्तरीय महाराष्ट्र रत्न पुरस्कार जाहीर.
संविधान अमृत महोत्सवानिमित्त आयोजित राज्यस्तरीय कार्यक्रमात सामाजिक, शैक्षणिक आणि जनहिताच्या क्षेत्रात उल्लेखनीय कार्याबद्दल जळगाव येथील आशीष उत्तमराव सपकाळे यांना ‘राज्यस्तरीय महाराष्ट्र रत्न पुरस्कार २०२६’ प्रदान करून गौरविण्यात आले.
तेजस सेवा प्रतिष्ठान, संगमनेर (जि. अहमदनगर) यांच्या वतीने आयोजित कार्यक्रमात हा पुरस्कार प्रदान करण्यात आला. यावेळी महसूल मंत्री बाळासाहेब थोरात आमदार सुधीर तांबे , डॉ. मुकुंद भरसकाके, संघराज रुपवते तसेच आमदार डॉ. किरण लहामते यांच्यासह विविध क्षेत्रांतील मान्यवर उपस्थित होते.
संविधान मूल्यांचा प्रचार-प्रसार, सामाजिक जनजागृती, विविध समाजोपयोगी उपक्रमांचे आयोजन तसेच सर्वसामान्यांच्या प्रश्नांसाठी केलेल्या कार्याची दखल घेऊन आशीष सपकाळे यांची या प्रतिष्ठित पुरस्कारासाठी निवड करण्यात आली.
पुरस्कार स्वीकारल्यानंतर आशीष सपकाळे यांनी हा सन्मान जळगाव जिल्ह्यातील नागरिक, सहकारी कार्यकर्ते आणि समाजहितासाठी कार्य करणाऱ्या सर्व घटकांना समर्पित असल्याची भावना व्यक्त केली. तसेच भविष्यात सामाजिक, शैक्षणिक आणि जनकल्याणाच्या क्षेत्रात अधिक जोमाने कार्य करण्याचा निर्धार त्यांनी व्यक्त केला.
या पुरस्काराबद्दल सामाजिक, राजकीय आणि शैक्षणिक क्षेत्रातील मान्यवरांनी आशीष सपकाळे यांचे अभिनंदन करून त्यांच्या पुढील वाटचालीस शुभेच्छा दिल्या आहेत.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989, ईमेल – sthaniksamacharbharat@gmail.com
