कर्मवीर पोलीस भरती ट्रेनिंग सेंटर, लातूर येथे १५० हून अधिक प्रशिक्षणार्थींमध्ये सायबर सुरक्षेविषयी जनजागृती; ऑनलाइन फसवणुकीपासून बचावासाठी महत्त्वपूर्ण मार्गदर्शन.
कर्मवीर पोलीस भरती ट्रेनिंग सेंटर येथे पोलीस भरतीची तयारी करणाऱ्या १५० हून अधिक प्रशिक्षणार्थींना सायबर सुरक्षा आणि डिजिटल जनजागृतीबाबत मार्गदर्शन करण्यात आले. सायबर वॉरियर प्राजक्ता बोरूळे यांनी विशेष जनजागृतीपर सत्र घेत प्रशिक्षणार्थींना विविध प्रकारच्या सायबर फसवणुकीपासून सुरक्षित राहण्यासाठी आवश्यक उपाययोजनांची माहिती दिली.
या मार्गदर्शन सत्रात ऑनलाइन फसवणूक, संशयास्पद लिंक, अनोळखी फोन कॉल व संदेश, वैयक्तिक माहितीची सुरक्षितता, सोशल मीडियाचा सुरक्षित वापर तसेच डिजिटल व्यवहार करताना घ्यावयाची काळजी याबाबत सविस्तर माहिती देण्यात आली.
सायबर गुन्हेगारांकडून विविध माध्यमांचा वापर करून नागरिकांना फसविण्याचे प्रकार घडत आहेत. त्यामुळे कोणत्याही अनोळखी व्यक्तीस वैयक्तिक किंवा आर्थिक माहिती देऊ नये, संशयास्पद लिंकवर क्लिक करू नये तसेच अनोळखी कॉल किंवा संदेशांना प्रतिसाद देताना विशेष सतर्कता बाळगावी, असे यावेळी सांगण्यात आले.
डिजिटल माध्यमांचा वापर करताना सतर्कता, माहितीची पडताळणी आणि सुरक्षित डिजिटल सवयी अंगीकारणे हीच सायबर गुन्ह्यांपासून बचावाची महत्त्वाची पावले आहेत, असा संदेश प्रशिक्षणार्थींना देण्यात आला.
पोलीस भरतीची तयारी करणाऱ्या १५० हून अधिक प्रशिक्षणार्थींनी या सायबर सुरक्षा मार्गदर्शन सत्राला उत्स्फूर्त प्रतिसाद दिला. प्रशिक्षणार्थींनी सायबर गुन्हे, ऑनलाइन फसवणूक आणि डिजिटल सुरक्षिततेशी संबंधित विविध प्रश्न विचारून मार्गदर्शन घेतले.
या उपक्रमामुळे पोलीस भरतीची तयारी करणाऱ्या युवकांमध्ये सायबर सुरक्षेविषयी जागरूकता निर्माण होण्यास मदत झाली.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
