‘सायबर मावळी दिंडी’ला नागरिकांचा उत्स्फूर्त प्रतिसाद; OTP व पासवर्ड शेअर न करणे, अनोळखी लिंक टाळणे आणि ऑनलाइन व्यवहारात सतर्क राहण्याचे आवाहन.
पारंपरिक मावळी दिंडीच्या परंपरेला आधुनिक डिजिटल युगाची जोड देत कृष्ण पांडरे यांच्या पुढाकाराने Quick Heal Foundationच्या माध्यमातून अनोख्या ‘सायबर मावळी दिंडी’ चे आयोजन करण्यात आले. या अभिनव उपक्रमातून मावळी मायभक्तांसह नागरिकांमध्ये सायबर सुरक्षिततेबाबत जनजागृती करण्यात आली.
मावळींची दिंडी ही श्रद्धा, एकजूट आणि सामाजिक बांधिलकीचे प्रतीक मानली जाते. याच भावनेला आधुनिक तंत्रज्ञानाची जोड देत ‘सायबर मावळी’ ही संकल्पना साकारण्यात आली. आजच्या डिजिटल युगात मोबाईल, इंटरनेट आणि सोशल मीडियाचा वापर मोठ्या प्रमाणात वाढला आहे. त्याचबरोबर ऑनलाइन फसवणूक, बनावट लिंक, OTP, फिशिंग, सोशल मीडिया फसवणूक आणि वैयक्तिक माहितीच्या गैरवापराचे धोकेही वाढत आहेत.
या पार्श्वभूमीवर नागरिकांनी अनोळखी लिंकवर क्लिक न करणे, OTP व पासवर्ड कोणालाही न सांगणे, संशयास्पद संदेश व कॉलपासून सावध राहणे तसेच ऑनलाइन व्यवहार करताना आवश्यक ती खबरदारी घेणे, याबाबत दिंडीच्या माध्यमातून जनजागृती करण्यात आली.
‘जशी आपल्या संस्कृतीची सुरक्षा महत्त्वाची, तशीच आपल्या डिजिटल विश्वाची सुरक्षा देखील महत्त्वाची’, हा संदेश या उपक्रमातून नागरिकांपर्यंत पोहोचविण्यात आला. परंपरा आणि आधुनिक डिजिटल सुरक्षेचा संगम साधत नागरिकांना सुरक्षित डिजिटल व्यवहारासाठी जागरूक करण्यात आले.
या अभिनव उपक्रमाला मावळी मायभक्तांसह नागरिकांचा उत्स्फूर्त प्रतिसाद मिळाला. मोठ्या संख्येने नागरिक सहभागी झाल्याने ‘सायबर मावळी दिंडी’ उत्साहात पार पडली.
परंपरेचा अभिमान आणि डिजिटल सुरक्षेची जाणीव यांचा सुंदर संगम घडवणारी ‘सायबर मावळी दिंडी’ हा सायबर जनजागृतीचा अभिनव उपक्रम ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
