सायबर सुरक्षेसाठी तंत्रज्ञानासोबत सजगता आणि योग्य डिजिटल सवयी आवश्यक असल्याचा संदेश जेएसपीएम सीनियर कॉलेजमधील विद्यार्थ्यांना देण्यात आला.
डिजिटल तंत्रज्ञानाचा वाढता वापर आणि त्यासोबत निर्माण होणारे सायबर धोके लक्षात घेता जेएसपीएम सीनियर कॉलेज येथे विद्यार्थ्यांसाठी सायबर सुरक्षा जनजागृती कार्यक्रमाचे आयोजन करण्यात आले. Quick Heal Foundationच्या वतीने आयोजित या उपक्रमात परमेश्वर पांडुरंग यांनी विद्यार्थ्यांना प्रत्यक्ष लाईव्ह हॅकिंगचे प्रात्यक्षिक दाखवत सायबर हल्ले कोणत्या पद्धतीने होऊ शकतात, याबाबत मार्गदर्शन केले.
लाईव्ह प्रात्यक्षिकाच्या माध्यमातून विद्यार्थ्यांना फिशिंग लिंक, बनावट वेबसाइट, पासवर्डची सुरक्षितता, सोशल मीडिया अकाउंटची सुरक्षा आणि ऑनलाइन फसवणुकीपासून बचाव याबाबत माहिती देण्यात आली. केवळ सैद्धांतिक माहिती देण्याऐवजी प्रत्यक्ष डेमोच्या माध्यमातून सायबर धोके समजावून सांगण्यात आल्याने विद्यार्थ्यांना डिजिटल सुरक्षेच्या विविध पैलूंची अधिक स्पष्ट जाणीव झाली.
सायबर गुन्हेगारांकडून वापरल्या जाणाऱ्या विविध पद्धतींबाबत जागरूक राहणे, अनोळखी लिंकवर क्लिक न करणे, सुरक्षित पासवर्ड वापरणे तसेच सोशल मीडिया अकाउंटची गोपनीयता योग्य प्रकारे राखणे याबाबत विद्यार्थ्यांना सूचना देण्यात आल्या.
‘सायबर सुरक्षेसाठी केवळ तंत्रज्ञान नव्हे, तर सजगता आणि योग्य डिजिटल सवयीही आवश्यक आहेत,’ असा संदेश यावेळी देण्यात आला.
कार्यक्रमाला विद्यार्थ्यांनी उत्स्फूर्त प्रतिसाद दिला. विद्यार्थ्यांनी सायबर सुरक्षेशी संबंधित विविध प्रश्न विचारून आपल्या शंकांचे निरसन करून घेतले. लाईव्ह हॅकिंग डेमोच्या माध्यमातून ‘सतर्क रहा, सुरक्षित रहा’ हा संदेश विद्यार्थ्यांपर्यंत प्रभावीपणे पोहोचविण्यात आला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
