अमळनेर- येथील शाह आलम नगर परिसरात शनिवारी दि. 27 रात्री सुमारे सव्वा नऊ वाजण्याच्या सुमारास एक दुर्दैवी घटना घडली. नगरपालिका निवडणुकीत प्रभाग क्रमांक 18 मधून नगरसेवक पदासाठी उभ्या असलेल्या आशा सुरेश महाजन यांच्या मुलगा अरुण सुरेश महाजन याचा गावठी कट्टा हाताळताना चुकून गोळी लागून मृत्यू झाला.
मिळालेल्या प्राथमिक माहितीनुसार, अरुण महाजन हा घरी असताना त्याच्या हातात गावठी बनावटीचा कट्टा होता. तो हाताळत असताना अचानक गोळी सुटली आणि ती त्याला लागली. घटनेनंतर कुटुंबीयांनी तातडीने त्याला अमळनेर येथील ग्रामीण रुग्णालयात हलवले. मात्र, डॉक्टरांनी तपासून त्याला मृत घोषित केले.
घटनेची माहिती मिळताच दत्तात्रय निकम (पोलीस निरीक्षक) व त्यांचे पथक घटनास्थळी दाखल झाले. पोलिसांनी परिसराची पाहणी करून पंचनामा केला असून पुढील तपास सुरू आहे. ही घटना अपघाती आहे की इतर कोणता मुद्दा आहे, याबाबत पोलीस अधिक तपास करत आहेत.
या घटनेमुळे मळनेर परिसरात हळहळ व्यक्त होत असून, महाजन कुटुंबावर दुःखाचा डोंगर कोसळला आहे. स्थानिक नागरिकांमध्येही या घटनेमुळे भीतीचे वातावरण निर्माण झाले आहे.
#amalner #sthaniksamachar
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
