फक्त एक कॉल आणि सगळं संपलं! भडगाव येथील तरुणाची गावठी पिस्तुलने डोक्यात गोळी झाडून आत्महत्या. काय होते नेमके कारण?
भडगाव शहरातील खुशाल आप्पा नगर भागात एका २२ वर्षीय तरुणाने स्वतःवर गोळी झाडून आत्महत्या केल्याची धक्कादायक घटना शनिवारी दुपारी ३:३० वाजेच्या सुमारास घडली. स्वप्नील प्रवीण शिंपी (वय २२) असे या मयत तरुणाचे नाव आहे. भडगाव पोलीस स्टेशनला घटनेची नोंद घेण्यात आली आहे. जळगावच्या शासकीय वैद्यकीय महाविद्यालय व रुग्णालयात तरुणाच्या कुटुंबीयांनी एकच आक्रोश केला होता.
स्वप्निल शिंपी हा खुशाल आप्पा नगर मध्ये आई, काका, दोन लहान बहिणी, आजी यांच्यासह राहत होता. डी. फार्मसीचे तो शिक्षण घेत होता. दरम्यान शनिवार दि. १८ एप्रिल रोजी सकाळी स्वप्निल शिंपी कुटुंबीयांसोबत तसेच मित्रांसोबत होता. नातेवाईकांनी दिलेल्या माहितीनुसार, सकाळी व्यवस्थित होता. मात्र दुपारी २ वाजेनंतर त्याला कोणाचा तरी फोन आला. यानंतर तो अस्वस्थ झाला. काही वेळाने त्याने त्याच्या खोलीत जाऊन दरवाजा बंद करून घेतला. कुटुंबीयांना वाटलं की तो काही कामात आहे. मात्र, स्वप्नीलने त्याच्या राहत्या घरात गावठी पिस्तुलातून स्वतःवर गोळी झाडली.
गोळीबाराचा आवाज ऐकताच त्याच्या नातेवाईकांनी तातडीने घटनास्थळी धाव घेतली. मात्र दरवाजा आतून बंद होता. खिडकीतून पाहिले असता तो रक्ताच्या थारोळ्यात खाली पडलेला होता. तात्काळ दरवाजा तोडून त्याला रुग्णालयात दाखल केले असता त्यांनी जळगाव येथे नेण्याचा सल्ला दिला. या घटनेत स्वप्नीलच्या कपाळाला गंभीर जखम झाली होती. मात्र, त्याची प्रकृती चिंताजनक असल्याने प्राथमिक उपचार करून त्याला पुढील उपचारासाठी जळगाव शासकीय वैद्यकीय महाविद्यालय व रुग्णालय जळगाव येथे दाखल केले असता तेथे वैद्यकीय अधिकाऱ्यांनी तपासून मयत घोषित केले.
घटनेची माहिती मिळताच पोलिसांनी घटनास्थळी धाव घेत घराची पाहणी केली. पोलिसांनी घटनास्थळावरून गुन्ह्यात वापरलेले गावठी पिस्तूल आणि रक्ताने माखलेले कपडे जप्त केले आहेत. स्वप्नीलने हे टोकाचे पाऊल का उचलले, याचे कारण अद्याप समजू शकलेले नाही. याप्रकरणी पोलिसांनी रीतसर पंचनामा केला असून अधिक तपास सुरू आहे. या घटनेमुळे भडगाव परिसरात मोठी खळबळ उडाली आहे. तर जळगावचे शासकीय रुग्णालयात कुटुंबीय आणि एकच आक्रोश केला. दरम्यान स्वप्निलने आर्थिक की इतर कारणावरून आत्महत्या केली याचा पोलीस शोध लावत आहेत.
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
