आरक्षण उपवर्गीकरणाच्या विरोधात बैठक – मुक्ताईनगर आरक्षण मोर्चा – ४ सप्टेंबर २०२६ भव्य मोर्चा – सामाजिक न्यायासाठी आंदोलन
आरक्षण उपवर्गीकरणाच्या विरोधात पुढील आंदोलनाची दिशा निश्चित करण्यासाठी मुक्ताईनगर येथील रेस्ट हाऊस येथे समाज बांधवांची महत्त्वपूर्ण बैठक नुकतीच पार पडली. बैठकीला समाज बांधवांची मोठ्या संख्येने उपस्थिती होती.
आरक्षणाच्या प्रश्नावर चर्चा करताना आगामी आंदोलनाचे नियोजन करण्यात आले. यावेळी आरक्षण उपवर्गीकरणाच्या विरोधात भव्य मोर्चा काढण्याचा निर्णय घेण्यात आला असून, मोर्चाची तारीख ४ सप्टेंबर २०२६ निश्चित करण्यात आली आहे.
आंदोलनाची पुढील दिशा ठरवण्यासाठी बैठकीत कृती समितीची स्थापना करण्यात आली. आरक्षणाच्या हक्कासाठी आणि सामाजिक न्यायाच्या मागणीसाठी समाजाने एकजुटीने सहभागी व्हावे, असे आवाहन यावेळी करण्यात आले.
बैठकीदरम्यान आरक्षण उपवर्गीकरणाच्या मुद्द्यावर समाजाची भूमिका, आगामी मोर्चाचे नियोजन आणि आंदोलनाच्या माध्यमातून प्रशासनापर्यंत मागण्या पोहोचविण्याबाबत चर्चा करण्यात आली. मोर्चामध्ये मोठ्या संख्येने समाज बांधवांनी सहभागी होऊन एकजूट दाखवावी, असे आवाहन करण्यात आले.
“एकजूट होऊया, संघर्ष करूया” या भूमिकेसह आगामी आंदोलनाची तयारी सुरू करण्यात आली असून, ४ सप्टेंबर रोजी मुक्ताईनगरात होणाऱ्या मोर्चाकडे आता समाज बांधवांचे लक्ष लागले आहे.
बैठकीत उपस्थितांनी “जय भीम, जय संविधान” अशा घोषणांसह सामाजिक न्यायाच्या लढ्यासाठी एकत्रितपणे काम करण्याचा निर्धार व्यक्त केला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
