पारोळ्यात स्वयंसेवक अक्षय आणि लोकेश पाटील यांच्या पुढाकाराने अंगणवाडी सेविकांसाठी सायबर सुरक्षा जनजागृती सत्र; ऑनलाइन फसवणुकीपासून बचावाचे धडे.
डिजिटल युगात अंगणवाडी सेविकांचे बहुतांश काम मोबाईल ॲप्स आणि ऑनलाइन प्रणालीद्वारे होत असल्याने सायबर सुरक्षेबाबत जागरूकता असणे अत्यंत आवश्यक झाले आहे. याच पार्श्वभूमीवर पारोळा येथे अंगणवाडी सेविकांसाठी विशेष सायबर सुरक्षा मार्गदर्शन सत्र आयोजित करण्यात आले. स्वयंसेवक अक्षय पाटील आणि लोकेश पाटील यांनी या सत्रातून सेविकांना ऑनलाइन फसवणूक टाळण्यासाठी महत्त्वपूर्ण मार्गदर्शन केले.
अक्षय पाटील यांनी मोबाईलचा वापर करताना घ्यावयाच्या खबरदारीबाबत सोप्या भाषेत माहिती दिली. मोबाईलवर येणारे अनोळखी संदेश, ‘बक्षीस लागले आहे’ असे सांगणारे बनावट फोन कॉल्स, संशयास्पद लिंक तसेच अनोळखी व्यक्तींकडून येणाऱ्या संदेशांपासून सावध राहण्याचे आवाहन त्यांनी केले.
सत्राच्या पुढील भागात लोकेश पाटील यांनी ऑनलाइन फसवणूक झाल्यास किंवा सायबर गुन्ह्याबाबत संशय निर्माण झाल्यास कोणती पावले उचलावीत, याबाबत प्रात्यक्षिकासह मार्गदर्शन केले. बँक खाते क्रमांक, पासवर्ड, PIN किंवा OTP कोणत्याही अनोळखी व्यक्तीसोबत शेअर करू नये, तसेच दैनंदिन कामासाठी वापरल्या जाणाऱ्या मोबाईल ॲप्सची सुरक्षितता जपण्याबाबत त्यांनी सूचना दिल्या.
अंगणवाडी सेविकांचे काम आता मोठ्या प्रमाणावर डिजिटल माध्यमांशी जोडले गेले आहे. त्यामुळे डिजिटल साधनांचा आत्मविश्वासाने आणि सुरक्षितपणे वापर करण्यासाठी आवश्यक असलेल्या प्राथमिक सायबर सुरक्षा नियमांची माहिती या सत्रातून देण्यात आली.
सत्राच्या शेवटी अंगणवाडी सेविकांनी विविध प्रश्न विचारून आपल्या शंकांचे निरसन करून घेतले. स्वयंसेवक अक्षय पाटील आणि लोकेश पाटील यांनी स्वतःहून पुढाकार घेत आयोजित केलेल्या या उपक्रमामुळे सेविकांमध्ये सायबर सुरक्षेबाबत जागरूकता निर्माण झाली असून परिसरात या उपक्रमाचे कौतुक होत आहे.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
