‘सावधानता हीच सायबर सुरक्षेची पहिली पायरी’ या संदेशासह ममता हॉस्पिटलमध्ये डिजिटल व्यवहार सुरक्षित करण्याबाबत नागरिकांना मार्गदर्शन.
लातूर : डिजिटल युगात वाढत असलेल्या ऑनलाइन फसवणुकीच्या पार्श्वभूमीवर ममता हॉस्पिटलमध्ये सायबर सुरक्षा जनजागृती उपक्रमाचे आयोजन करण्यात आले. यावेळी हॉस्पिटलमधील कर्मचारी तसेच उपस्थित नागरिकांना सायबर गुन्हे, ऑनलाइन फसवणूक आणि डिजिटल सुरक्षिततेबाबत मार्गदर्शन करण्यात आले.
यावेळी पोलीस निरीक्षक आवेज काझी यांनी उपस्थितांना सायबर गुन्ह्यांपासून सावध राहण्याचे आवाहन केले. अनोळखी लिंकवर क्लिक न करणे, OTP व बँकिंगशी संबंधित गोपनीय माहिती कोणालाही न देणे, संशयास्पद फोन व संदेशांपासून सावध राहणे तसेच सोशल मीडियाचा सुरक्षित आणि जबाबदारीने वापर करणे याबाबत मार्गदर्शन करण्यात आले.
या जनजागृती उपक्रमात सायबर वॉरियर्स अविष्कार कांबळे, नरेश पंडित, आयुष जोशी, श्रेयश माकणे आणि प्राची भोसले यांनी सहभाग घेतला. त्यांनी उपस्थितांना ऑनलाइन व्यवहार करताना आवश्यक खबरदारी घेण्याबाबत माहिती दिली.
“सावधानता हीच सायबर सुरक्षेची पहिली पायरी” असा संदेश देत डिजिटल व्यवहार अधिक सुरक्षितपणे करण्याचे आवाहन यावेळी करण्यात आले. सायबर फसवणूक टाळण्यासाठी जागरूकता, सतर्कता आणि सुरक्षित डिजिटल सवयी आवश्यक असल्याचे या उपक्रमातून अधोरेखित करण्यात आले.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
