🌍 जागतिक पर्यावरण दिन (०५ जून २०२६) 🌍

निसर्गाचा आदर, कार्बन उत्सर्जन कमी करणे, जैवविविधतेचे रक्षण आणि भावी पिढ्यांसाठी हिरवीगार पृथ्वी निर्माण करण्याचा संकल्प मांडणारी पर्यावरण प्रतिज्ञा.

🌱 पर्यावरण प्रतिज्ञा 🌱

“मी प्रतिज्ञा घेतो/घेते की…”

मी निसर्गाकडून प्रेरणा (Inspired by Nature) घेण्याचा संकल्प करीत आहे की:-

मी निसर्गाला केवळ एक संसाधन न मानता त्याचा आदर करेन. यासाठी निसर्ग आणि मानव यांच्या समतोलावर आधारित विकासनीतीचा आग्रह धरीन. निसर्गाच्या रचनेकडून प्रेरणा घेऊन मी माझ्या दैनंदिन जीवनात निसर्गस्नेही बदल करेन.आपल्या परिसरात स्वच्छता राखून कचरा कमी करणे,पाण्याचा पुनर्वापर करणे आणि झाडे लावून त्यांचे जतन करणे यांसारख्या ‘निसर्गाधारित उपायांना’ (Nature-Based Solutions) प्राधान्य देईन.

☀️ मी हवामान रक्षणासाठी (For Climate) नेहमीच कटिबद्ध राहीन:-

बदलत्या हवामानाचे संकट लक्षात घेऊन,मी कार्बन उत्सर्जन कमी करण्यासाठी वैयक्तिक पातळीवर जास्तीत जास्त प्रयत्न करेन.मी ऊर्जेचा अपव्यय टाळेन, प्लास्टिकचा वापर बंद करेन आणि सार्वजनिक वाहतुकीचा वापर वाढवेन.आपली जंगले, नद्या आणि पर्यावरण हेच आपले खरे रक्षक आहेत, याचे भान मी सदैव ठेवेन.

🌏 आपल्या भविष्यासाठी (For Our Future) जागरूक राहण्याचा संकल्प करीत आहे:-

येणाऱ्या भावी पिढ्यांना एक सुरक्षित,हिरवीगार आणि प्रदूषणमुक्त पृथ्वी सोपवण्यासाठी मी कटिबद्ध राहीन आणि त्यासाठी आजपासूनच अधिक जबाबदारीने वागेन.मी शाश्वत जीवनशैलीचा अंगीकार करून जैवविविधतेचे रक्षण करण्यासाठी नेहमी अग्रेसर राहीन.

🚫 चंगळवादाला नकार देऊन 5R चा अंगीकार करेन:-

मी केवळ ‘दिल मांगे मोर’ या चंगळवादी मानसिकतेला बळी पडणार नाही,तर शाश्वत जगण्यासाठी माझ्या वैयक्तिक व कौटुंबिक जीवनात 5R सूत्राचा (Refuse, Reduce, Reuse, Repurpose, Recycle) काटेकोर अंगीकार करेन.

निसर्गाच्या रक्षणासाठी,हवामानाच्या सुरक्षिततेसाठी आणि आपल्या उज्ज्वल भविष्यासाठी मी आजपासूनच कृती करण्यास तयार आहे!

✍️ पर्यावरण प्रतिज्ञा संयोजक:-

🌿 पक्षीमित्र राजेंद्र गाडगीळ

🏡 निसर्गमित्र,जळगाव

Rajendra Gadgil

राजेंद्र गाडगीळ हे स्थानिक समाचार डिजिटल मीडिया चे सक्रिय योगदानकर्ता असून सामाजिक,शैक्षणिक, पर्यावरण आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष लेखनाच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी लेख प्रकाशित करतात.

मो. 8999809416, email- gadgilrd@gmail.com