मुक्ताईनगर तालुक्यातील ग्रामीण भागातील विद्यार्थ्यांनी सरकारी नोकरीत यश संपादन करत नवा आदर्श निर्माण केला. युवाभारत स्पर्धा परीक्षा अकॅडमीच्या मार्गदर्शनाखाली १३ विद्यार्थ्यांची विविध शासकीय विभागांत निवड.
मुक्ताईनगर तालुक्यातील स्पर्धा परीक्षांची तयारी करणाऱ्या विद्यार्थ्यांसाठी प्रेरणादायी ठरणाऱ्या युवाभारत स्पर्धा परीक्षा अकॅडमीच्या १३ विद्यार्थ्यांनी २०२६ मध्ये विविध शासकीय सेवांमध्ये उल्लेखनीय यश संपादन केले आहे. या यशस्वी विद्यार्थ्यांच्या गौरवासाठी संत मुक्ताई कॉलेजच्या ज्ञानेश्वर सभागृहात विशेष सत्कार सोहळ्याचे आयोजन करण्यात आले.
कार्यक्रमाला विद्यार्थी, पालकवर्ग, शिक्षक आणि परिसरातील मान्यवर मोठ्या संख्येने उपस्थित होते. या सोहळ्याच्या अध्यक्षस्थानी संत मुक्ताई कॉलेजचे प्राचार्य डॉ. आय. डी. पाटील हे होते.
यावेळी प्रा. डॉ. शेवाळे सर, मा. रामू मेढे सर, मा. जय निकम सर, प्रा. जाधव सर यांची प्रमुख उपस्थिती लाभली. युवाभारत स्पर्धा परीक्षा अकॅडमीचे संचालक प्रा. संतोष सोनार सर यांनी विद्यार्थ्यांच्या यशामागील परिश्रम, नियोजन आणि सातत्यपूर्ण मार्गदर्शन याविषयी माहिती दिली.
विविध शासकीय सेवांमध्ये १३ विद्यार्थ्यांची निवड
युवाभारत स्पर्धा परीक्षा अकॅडमीच्या विद्यार्थ्यांनी सैन्य दल, पोलीस दल आणि महावितरण विभागात यश मिळवत अकॅडमीच्या गुणवत्तापूर्ण प्रशिक्षणाची छाप उमटवली आहे.
निवड झालेल्या विद्यार्थ्यांमध्ये ५ अग्निवीर, २ पुणे पोलीस, १ मुंबई पोलीस, १ आसाम रायफल, १ बीएसएफ आणि ३ महावितरण विद्युत सहाय्यक पदांचा समावेश आहे.
यशस्वी विद्यार्थ्यांची नावे
अग्निवीर (भारतीय सेना)
– विशाल गोसावी – रा. नाडगाव
– रितेश पाटील – रा. शेमळदे
– चिराग पाटील – रा. उचंदे
– आर्यन भोई – रा. मेंढोळदे
– तुषार कुंभार – रा. मेंढोळदे
बीएसएफ
– पवन पाचपोळ – रा. नाडगाव
आसाम रायफल्स
– कृष्णा पारधी – रा. वडगाव टाकळी
मुंबई पोलीस
– अक्षय सोनवणे – रा. निमखेडी
पुणे पोलीस
– अनुराधा तेली – रा. पिंपळगाव हरेश्वर, ता. पाचोरा
– राहुल धंडारे – रा. निमखेडी
महावितरण विद्युत सहाय्यक
– पुनम कुंभार – रा. मेंढोळदे
– ममता सुतार – रा. मेंढोळदे
– ऋतुजा धुरंधर – रा. कुर्हा
ग्रामीण भागातील विद्यार्थ्यांसाठी प्रेरणादायी यश
मुक्ताईनगर तालुक्यातील विविध गावांमधून आलेल्या विद्यार्थ्यांनी कठोर परिश्रम, सातत्यपूर्ण अभ्यास आणि योग्य मार्गदर्शनाच्या बळावर हे यश मिळवले आहे. ग्रामीण भागातील विद्यार्थ्यांमध्ये स्पर्धा परीक्षांबाबत आत्मविश्वास निर्माण करण्यासाठी युवाभारत स्पर्धा परीक्षा अकॅडमीने महत्त्वाची भूमिका बजावल्याचे मान्यवरांनी नमूद केले.
अध्यक्षीय भाषणात प्राचार्य डॉ. आय. डी. पाटील यांनी विद्यार्थ्यांचे अभिनंदन करताना सांगितले की, “स्पर्धेच्या युगात यश मिळवण्यासाठी चिकाटी, शिस्त आणि योग्य मार्गदर्शन आवश्यक आहे. आज या विद्यार्थ्यांनी मिळवलेले यश इतर विद्यार्थ्यांसाठी प्रेरणादायी ठरेल.”
यावेळी प्रा. संतोष सोनार यांनी अकॅडमीच्या प्रशिक्षण पद्धतीविषयी माहिती देताना विद्यार्थ्यांना सातत्य, सकारात्मक दृष्टिकोन आणि मेहनतीच्या बळावर कोणतेही ध्येय गाठता येते, असा विश्वास व्यक्त केला.
कार्यक्रमात यशस्वी विद्यार्थ्यांचा पुष्पगुच्छ, सन्मानचिन्ह आणि प्रमाणपत्र देऊन गौरव करण्यात आला. पालकांनीही आपल्या पाल्यांच्या यशाबद्दल समाधान व्यक्त करत अकॅडमीच्या मार्गदर्शनाचे कौतुक केले.
संत मुक्ताई कॉलेजच्या ज्ञानेश्वर सभागृहात उत्साहपूर्ण वातावरणात पार पडलेला हा सत्कार सोहळा उपस्थित विद्यार्थ्यांसाठी प्रेरणादायी ठरला.
प्रकाश खिलारे हे स्थानिक समाचार डिजिटल मीडिया चे सहसंपादक असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपण आपल्या परिसरातील बातम्या, माहिती तसेच लेख देण्याकरिता संपर्क करू शकतात…..
मो. 9112225235
Email- prakaashkhilare@gmail.com
