मुक्ताईनगर : बोदवड येथील रहिवासी स्वर्गीय सुनील शामराव दैवे यांच्या दुर्दैवी मृत्यूमुळे मुक्ताईनगरसह परिसरात संतापाची लाट उसळली आहे. काही दिवसांपूर्वी झालेल्या मारहाणीमध्ये त्यांचा मृत्यू झाला असून, यामुळे नागरिकांमध्ये भीती आणि असुरक्षिततेची भावना पसरली आहे.
या गंभीर प्रकरणातील आरोपींना अद्याप अटक न झाल्यामुळे नागरिकांमध्ये तीव्र नाराजी व्यक्त होत आहे. मुक्ताईनगर व परिसरातील समाज बांधवांनी एकत्र येऊन प्रशासनाला निवेदन देत तातडीने कारवाई करण्याची मागणी केली आहे.
निवेदनात आरोपींना त्वरित अटक करून कठोर कायदेशीर कारवाई करण्याची मागणी केली आहे. तसेच पीडित कुटुंबाला न्याय मिळावा, त्यांना आवश्यक संरक्षण आणि मदत दिली जावी, अशी मागणी करण्यात आली आहे.
प्रशासनाने या प्रकरणाची गांभीर्याने दखल घेऊन लवकरात लवकर योग्य ती कारवाई करावी, अन्यथा समाजाच्या वतीने तीव्र आंदोलन छेडण्याचा इशारा देण्यात आला आहे.
या घटनेमुळे मुक्ताईनगर परिसरात तणावपूर्ण वातावरण निर्माण झाले असून सर्वांचे लक्ष प्रशासनाच्या पुढील भूमिकेकडे लागले आहे.
#protest_in_muktainagar #sthaniksamachar
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
