जळगाव – शहरातील बळीराम पेठ परिसरात सकल हिंदू समाजाच्या वतीने, शनिवार (२८ मार्च) रोजी भव्य ‘विराट हिंदू मेळावा’ आयोजित करण्यात आला आहे. बळीराम पेठेतील श्री छत्रपती शिवाजी महाराज चौकात सायंकाळी ठीक ६ वाजता हा सोहळा पार पडणार असून या माध्यमातून हिंदुत्वाचा जागर केला जाणार आहे.
या मेळाव्याचे प्रमुख आकर्षण म्हणजे कानळदा येथील प्राचीन कण्वाश्रमाचे गादीपती अद्वैतानंदजी स्वामी यांची उपस्थिती. स्वामीजी उपस्थित जनसमुदायाला आशिर्वचन देणार असून त्यांच्या मार्गदर्शनामुळे मेळाव्यात उत्साहाचे वातावरण निर्माण होणार आहे.
कार्यक्रमाचे प्रमुख वक्ते म्हणून विश्व हिंदू परिषदेचे विभाग मंत्री देवेंद्र भावसार मार्गदर्शन करणार आहेत. ते आपल्या भाषणातून हिंदू समाजासमोरील विविध आव्हाने व कर्तव्यांवर प्रकाश टाकणार आहेत. या मेळाव्याच्या अध्यक्षस्थानी प्रसिद्ध सामाजिक कार्यकर्त्या तसेच ज्येष्ठ पत्रकार शांताताई वाणी असणार आहेत.
मेळाव्यानंतर रात्री ८:३० वाजता आझाद क्रीडा व सांस्कृतिक मित्र मंडळाच्या वतीने भव्य महाप्रसादाचे आयोजन करण्यात आले आहे. भाविकांनी मोठ्या संख्येने उपस्थित राहून महाप्रसादाचा लाभ घ्यावा, असे आवाहन आयोजकांकडून करण्यात आले आहे.
या मेळाव्याच्या यशस्वीतेसाठी बळीराम पेठेतील सामाजिक कार्यकर्ते, महिला भगिनी, युवक वर्ग तसेच विविध गणेश मंडळे, देवी मंडळे आणि देवस्थानचे पदाधिकारी मोठ्या उत्साहाने परिश्रम घेत आहेत. संपूर्ण परिसरात भगवे वातावरण निर्माण झाले असून सर्व हिंदू बांधवांनी मोठ्या संख्येने उपस्थित राहावे, असे आवाहन हिंदू मेळावा समितीचे उपाध्यक्ष डॉ. कृणाल महाजन यांनी केले आहे.
#hindu_melava #sthanilsamachar
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
