जळगाव औद्योगिक क्षेत्रात मोठी दुर्घटना टळली; सुट्टीमुळे जीवितहानी नाही, मात्र कोट्यवधींचे नुकसान होण्याची शक्यता.
शहरातील एमआयडीसी परिसरात २ मे रोजी सकाळी भीषण आग लागल्याने औद्योगिक क्षेत्रात मोठी खळबळ उडाली आहे. ‘जे’ सेक्टरमधील चटई उत्पादन करणाऱ्या एका कंपनीला अचानक आग लागून काही क्षणांतच आगीने रौद्र रूप धारण केले. आगीच्या उंच ज्वाळा आणि काळ्या धुराचे लोट दूरवरूनही दिसत असल्याने परिसरात भीतीचे वातावरण निर्माण झाले.
मिळालेल्या माहितीनुसार, कंपनीतील ज्वालाग्राही साहित्यामुळे आग वेगाने पसरली. परिस्थिती अधिक गंभीर होत असताना कंपनीत ठेवलेल्या गॅस सिलिंडरचे एकामागोमाग चार मोठे स्फोट झाले. या स्फोटांच्या जोरदार आवाजाने संपूर्ण एमआयडीसी परिसर हादरून गेला असून नागरिक व कामगारांमध्ये मोठी घबराट पसरली.
आगीचे स्वरूप इतके तीव्र होते की काही वेळातच ती शेजारील ठिबक सिंचन साहित्य तयार करणाऱ्या कंपनीपर्यंत पोहोचली. त्यामुळे इतर औद्योगिक युनिट्सनाही धोका निर्माण झाला. दाट धुरामुळे परिसरात श्वास घेण्यास अडथळा निर्माण झाला होता.
घटनेची माहिती मिळताच अग्निशमन दलाचे दोन बंब तातडीने घटनास्थळी दाखल झाले आणि आग आटोक्यात आणण्याचे प्रयत्न सुरू केले. मात्र आगीचा विस्तार मोठा असल्याने सुरुवातीचे प्रयत्न अपुरे पडले. बंबांतील पाणी संपल्यानंतर आग पुन्हा भडकली, त्यामुळे परिस्थिती अधिकच गंभीर झाली. अतिरिक्त मदतीसाठी महापालिकेसह इतर ठिकाणांहून बंब मागवण्यात आले.
सुदैवाने शनिवार असल्याने कंपनीला सुट्टी होती. त्यामुळे मोठ्या प्रमाणावर कामगार उपस्थित नसल्याने कोणतीही जीवितहानी टळली आहे. मात्र या आगीत संबंधित कंपनीसह शेजारील उद्योगांचे मोठे आर्थिक नुकसान झाल्याचा प्राथमिक अंदाज वर्तवण्यात येत आहे.
आग नेमकी कशामुळे लागली हे अद्याप स्पष्ट झालेले नाही. शॉर्ट सर्किटमुळे आग लागली असावी, असा प्राथमिक अंदाज व्यक्त केला जात असला तरी अधिकृत कारण तपासानंतरच समोर येणार आहे.
सध्या अग्निशमन दल आणि प्रशासनाकडून आग पूर्णपणे नियंत्रणात आणण्यासाठी युद्धपातळीवर प्रयत्न सुरू आहेत
कौस्तुभ शिंदे हे स्थानिक समाचार डिजिटल मिडिया चे संपादक असुन यांना पत्रकारितेचा १० वर्षाचा अनुभव आहे. कौस्तुभ शिंदे हे स्थानिक समाचार डिजिटल मीडिया चे सक्रिय योगदानकर्ता असून सामाजिक, राजकीय, शैक्षणिक आणि स्थानिक घडामोडींवरील बातम्यांचे वृत्तांकन करतात. जनसामान्यांच्या प्रश्नांना वाचा फोडणे, स्थानिक पातळीवरील महत्त्वाच्या घटनांची अचूक माहिती वाचकांपर्यंत पोहोचवणे आणि निष्पक्ष पत्रकारितेच्या माध्यमातून समाजाशी जोडलेले राहणे हा त्यांच्या लेखनाचा मुख्य उद्देश आहे. डिजिटल पत्रकारितेच्या माध्यमातून ते विविध विषयांवर सखोल आणि प्रभावी बातम्या प्रकाशित करतात. आपल्या परिसरातील बातम्या आणि जाहिरातींकरिता संपर्क करावा-
मो. क्र. +917507502989
ईमेल – sthaniksamacharbharat@gmail.com
